Вазните се поставени во близина на споменикот Вашингтон од страна на фондацијата Габи Гифордс.

Во САД во текот на викендот во вооружени насилства во три градови загинаа девет лица, а повредени се дваесетина. Во земјата е повторно разгорена дебатата околу законите за оружје. Невладината организација Gun Violence Archive само годинава има регистрирано најмалку 240 случаи на т.н. „масовно пукање“, во кои биле убиени по најмалку четири лица.

Американскиот претседател Џо Бајден од американскиот Конгрес пред неколку дена побара забрана за јуришни пушки, проширување на проверките за добивање дозволи за оружје и други мерки за контрола на оружјето. Демократскиот сенатор Крис Марфи вчера (5.06) за Си-Ен-Ен изјави дека гледа шанси во Конгресот да помине пакет закони кои предвидуваат инвестиции во третманот на психички болни лица, безбедност во училиштата и промена на законите на оружје во земјата.