Граѓаните на групата француски острови Сан Пјер и Микелон пред источниот брег на Канада веќе можат да гласаат за новиот претседател на земјата. На избирачкиот список таму се наоѓаат имињата на околу 5000 француски избирачи. И во неколку други прекуокеански региони избирачките места, поради временската разлика, се отвораат веќе денеска.

Според анкетите, поранешниот министер за економија Емануел Макрон е јасен фаворит во вториот круг. Негова противничка е десната популистка Марин Ле Пен. Гласањето во Франција, поради анти-ЕУ курсот на Ле Пен, се третира како многу важно за цела Европа.