По првиот круг од парламентарните избори во Франција левичарската опозиција бара начини како да спречи убедлива победа на конзервативниот блок на францускиот претседател Никола Саркози. Во таа насока опозициските Социјалисти се обидуваат да ги здружат силите со Либералите пред гласањето за вториот круг избори наредната недела. По победата на Саркози на претседателските избори неговата партија УМП освои речиси 40 проценти од гласовите. Социјалистите освоија 25 проценти. За точниот распоред на местата во парламентот ќе се одлучува во вториот изборен круг наредната недела. Учеството на изборите во првиот круг изнесуваше 60 проценти.