Германците среќни поради лесната група со Северна Македонија
БГ/ ДПА
7 декември 2020
Среќна жрепка за германската фудбалска репрезентација. Вака гласат првичните коментари на германските медиуми откако денеска беа извлечени групите за квалификациите за Мундијалот во Катар.
Фотографија: Thomas Boecker/dpa/picture alliance
Реклама
Тимот на селекторот Јоахим Лев (насловна фотографија) на патот до Светското првенство 2022 во Катар доби неочекувано лесни противници, пишуваат германските медиуми. Четирикратниот светски првак во квалификациската група Ј за противници ќе ги има Романија, Исланд, Северна Македонија, Ерменија и Лихтенштајн.
„Влегуваме во трката како најголем фаворит. Нашата цел е да победиме во групата“, изјави Лев веднаш откако станаа познати противниците.
Најсилен ривал на Германците ќе им биде Романија која во моментов е 37 на светската ранг-листа на ФИФА. Тоа е притоа и единствената репрезентација во групата против која Германија воопшто некогаш загубила.
Против Северна Македонија, од друга страна, никогаш не играла. Ова ќе биде првпат двете репрезентации да ги одмерат силите во една квалификациска рунда.
Германската репрезентација веќе подолго време е во резултатска криза која неодамна ескалираше со тежок пораз од 6:0 од Шпанија во Лигата на нации.
Поразот доведе до бројни барања за оставка на Лев, и судир во фудбалскиот сојуз на земјата, но тој засега останува на функцијата.
Славје на македонските репрезентативци по пласманот на ЕП во фудбалФотографија: Petr Stojanovski /DW
Квалификациите започнуваат во март 2021, а ќе завршат веќе во ноември истата година. Победникот во групата директно ќе се пласира на турнирот во Катар, додека второпласираниот ќе има можност да избори учество преку бараж.
Северна Македонија за првпат годинава избори пласман на едно Европско првенство. Селекторот Игор Ангеловски за домашните медиуми најави битка за второто место во групата.
Светските прваци јуришаат на европско злато
Селекторот Јоахим Лев денеска го соопшти провизорниот список на 27 фудбалери кои се во конкуренција за Европското првенство во Франција. 15 светски прваци се на списокот, но и неколку изненадувања.
Фотографија: Reuters/F. Bensch
Мануел Нојер
Во изборот на првиот голман на репрезентацијата и на шампионот Бајерн Минхен немаше апсолутно никаков сомнеж. Не само на голот, туку и како последен играч во одбраната, Нојер е столб на тимот.
Фотографија: picture-alliance/dpa/T. Eisenhuth
Жером Боатенг и Матс Хумелс
Жером Боатенг и Матс Хумелс се клучните одбранбени играчи на репрезентацијата. Партнерството кое го изградија на Светското првенство во Бразил, од јули ќе продолжи и во дресот на шампионот Бајерн Минхен.
Фотографија: picture-alliance/Sven Simon
Сами Кедира и Тони Крос
Во дефанзивниот среден ред, Сами Кедира и Тони Крос се неодминливи. Кедира стана италијански првак со Јувентус, а Крос со Реал Мадрид го очекува финалето во Лигата на шампионите. До минатата сезона заедно настапуваа во Реал.
Фотографија: Getty Images/Bongarts/A. Hassenstein
Томас Милер
„Милер секогаш мора да игра“, рече во една прилика поранешниот тренер на Бајерн, Луис Ван Хал. По истото мото и селекторот Јоахим Лев секогаш наоѓа место за Милер, без разлика дали во средниот ред или во нападот.
Во напаѓачкиот дел за крилните позиции се задолжени Карим Белараби и Марко Ројс. Во центарот, со сета слобода во играта, клучен е плејмејкерот Месут Езил.
Фотографија: picture alliance/dpa/G. Chai von der Laage
Марио Геце
И покрај тоа што не се изнаигра во Бајерн Минхен сезонава, Геце е незаменлив во репрезентацијата. Го постигна клучниот погодок во финалето на СП во Бразил, но во Франција ќе мора да размислува и за следниот клупски ангажман.
Фотографија: Reuters/M. Rehle
Марио Гомез
Повредите подолго го оддалечија од фудбалскиот терен, но сезонава се врати и во клупскиот и во репрезентативниот фудбал со извонредни игри. „Супер Марио“ ја освои титулата во турското првенство со Бешикташ, а стана и најдобар стрелец во првенството.
