Поранешниот водач на Србите во Хрватска, Горан Хаџиќ денеска се изјасни за невин пред Хашкиот трибунал по обвинението за воени злосторства во војната во Хрватска. Хаџиќ беше изведен пред Судот на 25 јуни, но тогаш не сакаше да се изјасни дали е виновен или не. Беше уапсен на 20 јули во Србија, а на 22 јули беше екстрадиран во Хаг. 

Против него се подигнати 14 обвиненија за воени злосторства и злосторства против човештвото заради негова улога во убивањето на стотици цивили и депортирање десетици илјади Хрвати и лица од други националности од страна на српските сили за време на војната во Хрватска, меѓу 1991 и 1995 година.

Автор: ТТ/ АТ/ макфакс/ миа

Редактор: Е.М.Фиданоска