Хилари Родам во 1965 година. Во колеџот најпрво студирала политика и психологија, па се префрла на Универзитетот Јејл на правни студии. Може ли еден човек „да има конзервативни сфаќања, но во срцето да биде левичарски либерал“, го прашала таа својот професор-ментор. Тоа важи и денес, вели нејзиниот биограф Карл Бернштајн.

Иако тука можеби не изгледа така, ова беа веројатно најубавите времиња во животот на Хилари Родам Клинтон: на 27 февруари 1980 се роди ќерката Челси, која можеби и самата во иднина ќе се ангажира политички. Од ерата на Кенедиеви, политичките династии им се слаба точка на Американците.

Кога Вилијам Џеферсон Клинтон го одржа инаугуративниот говор на 20 јануари 1993 година, со 46 години стана третиот најмлад претседател во историјата на САД. Првата дама Хилари уште тогаш им стана сомнителна на политичките противници. Таа не се задоволи со одржување на градината во Белата куќа.

Само доколку успешее да се држи подалеку од младите жени... Но моќта ве прави секси, велат некои. Она што следеше беше скандалот околу Аферата Моника Левински. Длабоко неполитичка, но доволно силна за да ја потресе Белата куќа. Во едно подоцнежно интервју, Хилари рече дека никогаш не се посомневала во љубовта на Бил кон неа.

Веројатно најгорчливиот момент во животот на Хилари Клинтон: 26 јануари 1998, Претседателот на САД на прес-конференција мора да одговара на прашања за неговиот однос со практикантката Моника Левински: „Немав сексуални односи со таа жена, Левински“. Хилари Клинтон застана лојално до него. Не само тој ден.

Девет години откако ја напушти Белата куќа, во јануари 2007, сенаторката Хилари Клинтон влезе во трка со Барак Обама за претседателската номинација на Демократите. Клинтон важеше за голем фаворит и уживаше поголема популарност. Но, потоа младиот Обама се огласи со слоганот „Промени“ и го смени текот на настаните.

Тој е млад и паметен- а таа одеднаш се најде на губитничката страна: Хилари Клинтон и Барак Обама на дебата во 2007. Откако увиде дека ривалот е во голема предност, таа му ја даде поддршката. Обама подоцна се реваншираше именувајќи ја Хилари за државен секретар.

Во оваа историска фотографија снимена на 1 мај 2011 во Белата куќа: претседателот и неговите најважни соработници ја следат егзекуцијата на Осама Бин Ладен. Една од двете жени на сликата е Хилари Клинтон. Нејзиниот став кажува сѐ.

Како државен секретар Хилари Клинтон си изгради добра репутација ширум светот и излезе од сенката на Бил. Но, по убиството на амбасадорот на САД, Кристофер Стивенс во Бенгази, се постави прашањето и за нејзината одговорност. Претседателот и даде поддршка во тие моменти.

Есента 2014 ја издаде книгата „Тешки одлуки“, а на набљудувачите полека им стануваше јасно дека и покрај повлекувањето од Стејт департментот, таа нема да се пензионира. Потоа следуваше и големата одлука.

На 12 април 2015, тимот на Хилари Клинтон објави видео порака во која таа го потврди она што многумина одамна го знаеја. Хилари повторно ќе се кандидира. Таа тогаш има 67 години и ветува дека повторно ќе им даде надеж на Американците. Во една политички поделена земја, која Обама сепак не успеа да ја обедини.

Ќе се повтори ли историјата? Дали плановите на Клинтонови уште еднаш ќе доживеат неуспех пред самата цел? Републиканскиот кандидат Доналд Трамп е последната пречка на патот на Хилари кон Белата куќа. Таа е на пат да стане првата жена претседател на САД.