Во германскиот парламент дадовме поддршка за користење на името Македонија, но владата во Берлин се придржува се разбира до она што е договорено на европско ниво, имено прашањето да се реши преку преговори, вели во интервју за македонската редакција на Дојче Веле пратеничката од СПД, Ута Цапф. Таа смета дека Македонија, покрај Хрватска и Турција има најдобри перспективи за Европската унија, но потребно е да постои консензус во државата.