Прелиминарните податоци на набљудувачите од Центар за мониторинг и истражување (ЦЕМИ) покажуваат дека владејачката Демократска партија на социјалисти (ДПС) освоила 30 мандати, додека три водечки опозициски листи заеднички имаат тесно парламентарно мнозинство – 41 од вкупно 81 мандати.

Најдобар резултат оствари листата „За иднината на Црна Гора", која ја предводи Демократскиот фронт (27 мандати), „Мир е нашата нација" предводена од Демократите (10 мандати) и „Црно на бело" која ја предводи УРА (4 мандати).

Традиционалните партнери на владејачката ДПС ги освоија останатите мандати: социјалдемократите 3, „Бошњачка партија исправно"-3, две албански листи по еден мандат, додека во парламентот би требало да се најде и СПД со два мандати, при што не е јасно кого би поддржала оваа партија.

Повеќе:

Црна Гора: Неизвесни избори и страв од инциденти

Црна Гора и туризмот во пандемијата: „Се пропадна!“

Моја Европа: Неопходно е спротиставување на корумпираните балкански елити

Лидерот на коалицијата „За иднината на Црна Гора", Здравко Кривокапиќ ѝ се обрати на јавноста веднаш по конференцијата на Центарот за мониторинг и истражување.

„Драги граѓани, ви искажуваме благодарност за истрајноста и достоинството. Без оглед на сѐ низ што поминавме низ овој циклус. Режимот падна. Ве молам да останете дома и победата која е извесна да ја прославите со пријателите и семејствата", порача Кривокапиќ.

Меѓутоа, на улиците на многу градови се собраа приврзеници на опозицијата, славејќи. Во Никшиќ дојде до инцидент кога возач со возило влетал во маса луѓе при што е тешко повредено едно лице. Како што пренесува „Вести" од Подгорица, полицијата спречила линч на возачот, а истрагата е во тек.

Излезноста на изборите во Црна Гора била речиси 76 проценти.