Американскиот „ден на попусти“ („Black Friday") станува сѐ попопуларен и во Германија, но годинава е во знак на штрајк на вработените во Амазон, на повик на синдикатот Верди.
Фотографија: picture-alliance/dpa/U. Zucchi
Реклама
Од синоќа до денешните рани утрински часови речиси 2,8 милиони потрошувачи се интересирале за специјалните понуди, како што соопшти порталот за попусти mydealz . Тоа се околу еден милион повеќе отколку лани, а од зголемената побарувачка најмногу профитира интернет-трговијата.
За најголемата светска интернет-трговска компанија Амазон, стартот на најжешката фаза на божиќниот бизнис во Германија започна со штрајк. Синдикатот Верди ги повика вработените во деловницата во Бад Херсфелд на прекин на работата, со почеток од ноќната смена и завршување денеска на полноќ.
„За вработените ден како Црн петок е дополнително стресно време и поради прекувременото работење“,изјави секретарот на Верди Мехтхилд Мидеке, дополнувајќи: „Работата на вработените мора да биде платена според посебна повисока тарифа, вклучувајќи и додаток за Божик.“
Верди со години се бори за тоа вработените на Амазон да добијат можност за колективно договарање и да добиваат плата според тарифата за секторот на малопродажбата и каталошката трговија. Досега Амазон ги отфрла овие барања и ги плаќа вработени според тарифите за логистика индустрија, каде што сатниците се доста пониски. Со цел конечно да ја постигне својата цел, Верди прибегнува кон сѐ поригорозни средства.
Во САД денот по празникот Ден на благодарноста, „Црн петок“, одамна се смета за период во кој се остварува рекорден промет во годината и старт во божиќните засилени продажби. Во меѓувреме и во Германија бројни производители ги привлекуваат муштериите со специјални попусти во цените. Онлајн-трговијата се пролонгира до понеделник, „Cyber Monday".
Во овие денови се очекува остварување промет во висина од 2,4 милијарди евра, 15 проценти повеќе од лани.
Седум германски „вечни“ производи и марки
Германија не е попусто втор светски извозник. Некои иновации од оваа земја се имаат проширено низ целата планета, па иако дел од тие производи се произведуваат денес и во други држави, тие отвориле сосем нови пазари.
Фотографија: Fotolia/PRILL Mediendesign
Старомодно, но незаборавно
Најголем дел од луѓето во Германија велат дека колонската вода 4711 ги потсетува на нивните баби. Тоа луѓето го велат веќе со генерации, зашто 4711 постои од почетокот на 18. век. Миризливата течност настанала во Келн и на почетокот имала медицинска примена. 4711 е позната марка, денес ја има преземно познатата успешна фирма Procter & Gamble.
Фотографија: picture-alliance/dpa
Компјутерот Ц3
Првиот функционален компјутер во светот го создал компјутерскиот пионер Конрад Цузе во 1941 година. Цузе изработил два прототипа во станот на своите родители во Берлин. Слично како и Стив Џобс, кој во 1976 година во гаражата на своите родители ги поставил темелите на Епл. Цузе во 1946 година основаше една од првите компјутерски фирми.
Фотографија: DW
Еко-сандали
Без оглед што во меѓувреме БМВ се прави и во САД, а Фолксваген и во Кина, сандалите од Биркеншток веќе 230 години се произведуваат исклучиво во Германија. Откако една жена од Калифорнија со болни нозе ги проба и ги увезе во својата земја „медицинските сандали“,од 1960-те години тие станаа извозен хит.
Фотографија: picture-alliance/dpa
Музика за по пат
Група научници на чело со Карлхајнц Бранденбург во 1980-те години работеше на компримирање дигитална музика. Освен тоа, групата заедно со германското претпријатие Микронас во 1994 година го создаде првиот МП3-чип декодер, што претставуваше прв прототип на еден МП3 плеер. Не траеше долго и МП3 податоците беа распространувани преку интернет, што неповратно го промени музичкиот бизнис.
Фотографија: cc-by-nc-sa-bluepoke
Средство против болка
Во 1897 година на хемичарите од Бајер АГ им успеа да ја синтетизираат во хемиски чиста, стабилна форма одамна познатата супстанца ацетилсалицилска киселина. Две години подоцна на пазарот беше изваден лекот Аспирин. По Првата светска војна, Бајер ги загуби заштитените права на пазарите во Франција, Русија, Велика Британија и САД , но се‘уште ги има патентните права за пазарите во над 83 земји.
Фотографија: picture-alliance/dpa
Запалувачка искра
Првата електрична свеќичка беше пронајдена од еден Французин, но беше изработена во Германија во 1898 година од Германецот Роберт Бош и тоа како дел од еден комплетен систем за палење за возила. Денес Бош е еден од најголемите испорачувачи за автомобилската индустрија.
Фотографија: picture alliance/David Ebener
Кога птицата го најавува времето
Часовниците со птици се создадени во средината на 18-от век во домашните работилници во Шварцвалд. Иако во меѓувреме кај некои часовници надворешниот изглед се прилагоди на модата, „ку-ку“-механизмот остана. Се разбира, постојат и евтини производи од Азија, но рачно изработените часовници од Шварцвалд имаат вљубеници и купувачи од цел свет.
