Поради пандемијата на коронавирус, Чешка упати повик до своите лекари кои работат во странство, привремено да се вратат во татковината и да им помогнат на своите поранешни колеги во болниците.
Фотографија: Vit Simanek/CTK/dpa/picture-alliance
Реклама
Чешкиот министер за здравство Роман Примула денеска се придружи на соодветниот повик на Лекарската комора.
„Благодарни сме за секој еден кој е спремен да помогне", изјави министерот.
Претседателот на Лекарската комора на Чешка, Милан Кубек упати писмен апел до своите сонародници во странство „да им помогнат на поранешните колеги во чешките болници".
Најитна е потребата од анестезиолози и медицинари на одделенијата за интензивна нега на пациентите. Недостига исто така и негувателски персонал.
Со години стотици лекари и апсолвенти на медицина се отселуваат во други држави-членки на Европската унија во потрага по подобри плати и работни услови, на пример во Германија.
Во меѓувреме чешките власти објавија податоци за втор последовател дневен рекорд на новоинфицирани со коронавирус. Вчера се регистрирани 9721 нов случај на Ковид-19, што е највисок број за рок од 24 часа во Чешка од почетокот на пандемијата. Меѓутоа, факт е и дека во последно време е интензивирано и тестирањето во земјата. Вкупниот број на заразени се искачи на преку 149.000 лица.
Досега во Чешка има 1230 смртни случаи каде е докажана инфекција со коронавирус. Во рамки на ЕУ Чешка ја предводи листата на новоинфицирани: во рок од 14 дена, според податоците на Европскиот центар за превентива и контрола на заболувања, во просек со коронавирус се заразиле 660,8 лица на 100.000 жители. (За споредба, во Германија – 59,6; Белгија – 515,4.) Чешка инаку има околу 10,7 милиони жители.
Пет совети за подобро физичко и ментално здравје во корона-кризата
Вакцина нема, лек исто така. Експертите, во моментов, не се сигурни ни дека оние кои оздравеле од Ковид-19 се целосно заштитени од нова инфекција. Затоа е препорачливо јакнење на личниот имунитет среде пандемијата.
Фотографија: Fotolia
Здрава исхрана
Докажано е дека здравата исхрана го намалува ризикот од хронични болести како што се проблемите со циркулацијата, дијабетисот или со дебелината. Исто така, со здрава исхрана се намалува и ризикот од депресија и од анксиозност. СЗО потсетува - но тоа важи и без пандемија - дека треба да се остават алкохолот, цигарите и сите останати дроги
Фотографија: picture-alliance/dpa/V. Heinz
Добар сон
Додека спиеме, телото вредно работи: келиите се обновуваат, се отстрануваат отровите, се зацврстува помнењето. Како што покажаа истражувањата, недостатокот на сон влијае не само на физичката состојба, туку и на психичката. Недостатокот на сон нѐ прави поподложни на хронични болести. На поголемот број луѓе им се доволни 6 до 9 часа сон, но важно е да се спие во одреден ритам.
Фотографија: Colourbox
Движење и вежбање
Движењето го исполнува телото со „хормоните на среќа“. Тоа овозможува подобро спиење, ги намалува стресот и стравовите, го зајакнува помнењето. Движење и спорт, па макар и дома - најмалку 30 минути дневно. Тренерите велат дека не важно како ќе ги поделите тие минимални 30 минути - можеби по 10 минути наутро, напладне и навечер? Кога можете излезете на свеж воздух.
Фотографија: picture-alliance/dpa/B. pedersen
Одржување на контактите
Пријателите во овој период на социјална изолација поради коронавирусот се поважни од кога било. Социјалните мрежи се докажано добри за здравјето. Бидејќи излегувањата и собирите сега не се можни, речиси сѐ се одвива на интернет. Но, подобро така отколку никако.
Изолацијата можеби е шанса да се заборави на светот и на надворешните вести. Размислите, што сакате веќе подолго да направите но никако не стигнувате? Нешто во градината, да испробате нов рецепт, да научите да плетете, да прочитате некоја книга која веќе подолго ве гледа обвинувачки од полицата? Сега е идеално време за тоа.
