Само во Кина, аерозагадувањето е причина за 1.6 милиони смртни случаи годишно.
Фотографија: pictur- alliance/AP Photo/K. M. Chaudary
Реклама
Холандскиот дизајнер Дан Рузегард и негиовиот тим, во Пекинг поставија седум метарска конструкција за прочистување на воздухот. „Smog Free“ кулата има капацитет да процесира 30.000 кубни метри воздух на час и притоа да отстрани до 75% од штетните материи во воздухот, меѓу нив и ПМ2,5 и ПМ10 честичките.
Со помош на кинеското министерство за заштита на животната средина, „Smog Free“ кулата, по престојот во Пекинг ќе патува во други три градови во земјата, која се соочува со сериозно загадување на воздухот. Минатата година, нивото на штетните ПМ2,5 честици во воздухот во Пекинг било 17 пати поголемо од максимално дозволените граници утврдени од страна на Светската здравствена организација. Истражувањата откриле дека аерозагадувањето во Кина е причина за 1.6 милиони смртни случаи годишно.
Дизајнерот Рузегард, преку кампања на платформата Кикстартер минатата година доби 113.153 евра донации од граѓани, средства кои беа наменети за изградба на првата „Smog Free“ кула. Неговиот изум за прв пат беше претставен во Ротердам од каде и го почна патувањето кон исток.
Проект „Без смог“- чист воздух за сите
Иновативниот дизајн продуцира чист воздух, а истовремено креира модерен накит.
Фотографија: Derrick Wang
Од друга планета
Кулата „Smog Free“ изгледа доста футуристички и како да не потекнува од нашата планета. Сепак, нејзината функција е поприлично „земјена“ - да обезбеди чист воздух.
Фотографија: Derrick Wang
Прочистување на амбиеталниот воздух
Во внатрешноста на кулата се наоѓа високо ефикасен филтер за воздух кој користи многу малку енергија и е способен да ги задржи и најситните честички кои се наоѓаат во воздухот. Како резултат на тоа, воздухот кој ќе помине низ системот на кулата е до 75% почист од останатиот воздух во средината.
Фотографија: Derrick Wang
Диши слободно
Очигледно е дека една кула не може да го прочисти воздухот во цел град. Идејата зад овој коцепт е да се создаде место каде луѓето може да се собираат и каде што ќе можат да размислуваат и дишат слободно. Со оваа кула тоа би можело да се постигне дури и во најзагадените градови во светот, како што е Пекинг (прикажан на фотографијата).
Фотографија: Laard Buurman
Што со отпадот?
Креаторот на кулата, дизајнерот Рузегард верува дека во иднината нема да постои отпад. Поради тоа, тој бара начин како да ги искористи филтрираните честички кои произлегуваат од филтрирањето на амбиеталниот воздух.
Фотографија: Studio Roosegaarde
Нешто скапоцено
Тимот на Рузегард одлучи под висок притисок да компресира ситни честички, а потоа да ги вметне во обвивка изработена од акрил. Резултатот е овој правоаголен орнамент кој потоа може да се користи во изработката на накит.
Фотографија: Studio Roosegaarde
Смела визија
Човекот кој стои зад овој подвиг, холандскиот дизајнер Дан Рузегард всушност сака да го овозможи човечкото право на чист воздух за сите луѓе.
