Денеска се навршуваат шест години од терористичките напади врз САД во кои загинаа 3000 луѓе. Централната комеморација ќе се одржи во Њујорк, но за прв пат надвор од Граунд Зиро, местото на кое се наоѓаа двете кули близначки, каде во тек се градежни работи. Комеморацијата ќе започне со една минута молк во 8 часот и 46 минути по локално време, кога на 11 септември 2001 година првиот авион удри во една од кулите. Во меѓувреме на интернет е објавен видео запис со лидерот на терористичката Ал Каеда, Осама Бин Ладен, кој го фали еден од атентаторите од 11 септември.