Генералниот секретар на НАТО Јаап де Хоп Шефер ги повика косовските власти на воздржаност и трпение околу прашањето за статусот на покраината. По разговорите со косовските власти и претставниците на УНМИК и КФОР во покраината, првиот човек на Алијансата изјави дека треба да му се даде дополнително време на процесот, чиј конечен резултат се надева дека ќе биде во согласност со предлогот на специјалниот преставник на ОН Марти Ахтисари.