Шефот на либералите Филип Реслер навести оставка
22 септември 2013![](https://static.dw.com/image/17105731_800.webp)
По катастрофалниот исход на партијата на либералите на денешните избори, шефот на партијата Филип Реслер навести оставка.
„Поради ова ja преземам политичката одговорност“, изјави Реслер, подвлекуваќи дека лошиот исход на изборите е „најгорчлив и најтажен миг во историјата на Партијата на слободните демократи“.
Филип Реслер го презеде лидерството на либералите во тешки времиња на партијата, во 2011 година. И покрај успехот на либералите во покраинскиот парламент на Долна Саксонија, на Реслер не му успеа да ја консолидира партијата и да ја добие довербата на избирачите.
Според првичните прогнози од исходот на парламентарните избори, либералите не ги освоија потребните 5 проценти и најверојатно нема да бидат застапени во новиот состав на германскиот Бундестаг.