Во САД сѐ повеќе компании на своите вработени им налагаат да се вакцинираат. Во Германија тоа законски не е можно, но и тука се бара начин како што повеќе вработени да се вакцинираат.
Фотографија: Jan Woitas/dpa/picture alliance
Реклама
Шефот на Гугл, Сундар Пичаи, во својот блог од минатата недела беше многу јасен: „Секој кој доаѓа да работи во нашиот камп мора да биде вакциниран.“ Слично е и во Фејсбук, а и американските компании како што се Нетфликс, Убер или Вашингтон Пост сакаат на работните места да видат само вакцинирани соработници.
Германските синдикати предупредуваат: таква обврска во Германија може да постои само ако постои обврска за вакцинирање на сите граѓани - а против коронавирусот таа не постои. А, нема ни да ја има, ако се прашува на пример германскиот министер за внатрешни работи. „Алегичен сум кога некој ќе каже 'ако не си вакциниран, нема да смееш да работиш'“, изјави Хорст Зехофер неодамна за весникот Мителбајерише цајтунг. Тој е „одлучен противник на задолжителната вакцинација“ против коронавирусот.
Фотографија: picture-alliance/AP Photo/M. J. Sanchez
„Како воопшто да знаеме кој е вакциниран?“
И 30 од најголемите германски концерни во индексот ДАХ не размислуваат за задолжителна вакцинација, како резултат на анкетата која ја спроведе весникот Велт ам Зонтаг. Додуша, сите германски концерни им нудат на своите вработени можност да се вакцинираат во амбулантите во фирмите, но тоа е сѐ што можат. Бидејќи, тие не се овластени тоа да го знаат за да го постават како услов. „Ние не знаеме, кој е вакциниран, а кој не е, а тоа не смееме ни да го прашаме според прописите за тајност на личните податоци“, пишуваат од Сименс.
Сепак, епидемиолошкиот институт Роберт Кох располага со податоци дека досега околу 1 милион лица се вакцинирани во амбулатите во фирмите. Кај енергетскиот концерн Еон доброволната анкета покажала оти „над 90 отсто од вработените примиле прва, а околу 85 насто втора доза“. Но, никој не знае, и не може да знае, дали вработените навистина го напишале својот вистински статус, ниту како е тоа во другите компании.
Вакцини- адути на човештвото против Ковид-19
Глобалната кампања за вакцинација против Ковид-19 зема сѐ поголем замав. Во различни земји, создадени се или на повидок се вакцини, кои сега се главно оружје на човештвото во справувањето со пандемијата.
Фотографија: Francis Dean/Dean Pictures/imago images
Бионтек/Фајзер: почеток на иРНК-револуцијата
Првата вакцина против Ковид-19, одобрена за употреба во САД и во ЕУ, беше вакцината на германските научници со турски корени Угур Шахин и неговата сопруга Озлем Туречи. Нивната фирма Бионтек од Мајнц влезе во сојуз со американскиот гигант Фајзер. Медиумите почнаа да зборуваат за „револуција“ во фармацевтската индустрија, откако е создадена првата иРНК вакцина.
Фотографија: Francis Dean/Dean Pictures/imago images
Модерна: родум од универзитетот Харвард
Американската компанија за биотехнологија Модерна е специјализирана и за РНК технологии, кои се сметаат за нов чекор во медицината. Нејзиното седиште се наоѓа во Кембриџ, Масачусетс, во близина на универзитетот Харвард, чии научници ја основаа компанијата во 2010 година. Вакцината на Модерна, создадена со финансиска поддршка од властите, беше втората корона-вакцина регистрирана во САД и во ЕУ.
Фотографија: Matthew Healey/AFP/Getty Images
АстраЗенека: „Оксфордската вакцина“
Научниците од Универзитетот Оксфорд во соработка со британско-шведската компанија АстраЗенека вршеа клинички испитувања и производство на нивната вакцина. Таа во голема мерка се користи во Велика Британија, ги исполнува условите во ЕУ и активно се користи во земјите во развој, бидејќи „вакцината од Оксфорд“ има многу ниска цена. Така, таа се произведува во Индија за локалниот пазар и за извоз.
Фотографија: Channi Anand/AP/picture alliance
Спутник V: првата одобрена вакцина во светот
Во август 2020, Русија објави дека прва во светот регистрирала вакцина против коронавирусот наречена Спутник V. Масовната вакцинација на руското население официјално започна во јануари 2021. Оваа векторска вакцина, изработена од научниците од Московскиот центар Гамалеја, се промовира на странските пазари од страна на Рускиот фонд за директни инвестиции.
Фотографија: Aizar Raldes/AFP/Getty Images
Џонсон и Џонсон: доволна е една доза
Американска корпорација Џонсон и Џонсон е еден од шесте производители на корона-вакцини со кои ЕУ склучи прелиминарни договори за снабдување. Од нејзината векторска вакцина потребна е само една доза, а не две како останатите и се чува во конвенционални фрижидери. За ЕУ оваа вакцина, која доби дозвола за употреба на 11.03. ќе ја произведува белгиската сестринска фирма на Џонсон и Џонсон - Јансен.
Фотографија: Johnson/AP/picture alliance
Синовак: тивкиот конкурент од Кина
Без многу врева и детални извештаи за клиничките испитувања, Кина разви најмалку три вакцини. Една од нив, создадена од деактивиран коронавирус, Синовак Биотек ја тестираше во неколку азиски земји, вклучувајќи ја и Индонезија, која потоа веднаш ја нарача. Да им даде пример на своите сонародници, претседателот на Индонезија, Џоко Видодо, прв се вакцинираше.
Фотографија: Laily Rachev/Biro Pers Sekretariat Presiden
Синофарм: Првата кинеска вакцина
Станува за вакцина со „деактивиран“ вирус која државната компанија ја разви во соработка со Институтот за вирологија од Вухан. Овој вид на вакцини се користи веќе со децении, со добри резултати во пракса. Вакцината која веќе се користи во Србија и во Унгарија, беше првата која доби одобрение за употреба од кинеските власти.
Американската фармацевтска компанија Новавакс објави дека нејзината вакцина е 96 процентно ефикасна против оригиналниот вирус и 86 проценти против британскиот сој. Тоа произлегува од студијата што Новавакс ја спроведуваше во Велика Британија. Вакцината може да биде одобрена за употреба во САД уште во мај, доколку властите утврдат дека податоците од Велика Британија се доволни, соопшти компанијата.
Фотографија: Justin Tallis/AFP/ Getty Images
КјурВак: Печатач за вакцини на Тесла
Втората германска иРНК вакцина, која се очекува да биде регистрирана до лето, ќе биде произведена и извезена на глобално ниво од компанијата КјурВак од Тибинген, во партнерство со концернот Баер. Но, ќе биде можно таа да се направи директно во клиниките ширум светот. Елон Маск (втор од лево) демонстрираше мобилен печатач на вакцини создаден од германската сестринска фирма Тесла Громан.
Фотографија: picture-alliance/dpa/T. Schwarz
Санофи: два неуспеха и помош за Европска унија
Француската компанија Санофи е еден од најголемите светски производители на вакцини. Но, овојпат тоа не и' успеа - двапати: ни заедничкиот развој со британската ГлаксоСмитКлајн, ниту обидот за создавање иРНК вакцина досега не дадоа резултати. За да помогне во обезбедувањето на вакцини за земјите од ЕУ, нејзината фабрика во Франкфурт на Мајна ќе произведе 125 милиони дози од вакцината на Фајзер.
Фотографија: C. Stoll/Sanofi
10 фотографии1 | 10
Според последните официјални податоци, околу половина од населението во Германија е целосно вакцинирано, а околу 62 отсто примиле барем една доза. Но, гужви за вакцинирање веќе нема, што значи дека и во оваа земја постојат голем број лица кои воопшто немале намера да се вакцинираат, без разлика поради која причина.
Но, на здравствените и на инфектолошките стручњаци тоа воопшто не им е доволно целосно да се нормализира општествениот и економскиот живот. Со оглед на тоа дека 9 од 10 нови случаи се заразени со делта сојот, Институтот Роберт Кох проценува оти треба да биде вакцинирано најмалку 85 насто од населението постаро од 12 и помладо од 60 години, а кај уште постарото население тоа треба да биде најмалку 90 отсто за да се достигне „колективна отпорност“ на целото општество.
Вакцинираните се додуша поефтини, но...
Доброволно - тоа ќе биде тешко некогаш да се постигне, што значи дека единствена можност би било воведување на законска обврска за вакцинирање. Ќе прифати ли таков закон германскиот парламент, тоа е тешко да се каже. Во Германија, додуша, веќе одамна има задолжително вакцинирање, но сепак против важни опасни болести: првото задолжително вакцинирање за сите граѓани датира уште од 1807 година кое го вовела Баварија, од 1878 година во цела Германија е воведена обврска за вакцинирање против сипаници. Во социјалистичка Источна Германија од 1953 година сите морале да се вакцинираат меѓу останатото и против туберколоза.
#dw_BalkanBooster: Да се вакцинирам или не, прашање е сега!
02:00
This browser does not support the video element.
Нешто меѓу општа и никаква обрвска би било задолжителното вакцинирање за одредени професии кај кои тие лица се особено изложени или каде би можело да има значителни мултипликатори на зараза, на пример, негувателите или вработените во училиштата. За такво нешто се залага и директорот на германскиот Институт за економија, Михаел Хинтер. „Во критичните професии, особено во секторот на здравство и образование, законодавачот би требало да воведе обврска за вакцинирање, бидејќи тука се работи за лица кои требаат да се заштитат“, вели тој. Хинтер не е против и за општа обрвска за вакцинирање за сите граѓани.
Според анкетата која нивното здружение ја спровела меѓу 2.950 фирми од средна големина, 54 отсто од шефовите би сакале општа обрвска за вакцинирање, а 45 насто се против. Но, на прво место, тоа пред сѐ е поради себични причини: владее голем страв од некаков нов локдаун, а така и фирмите можат да заштедат во мерките за заштита - од поголем простор за вработените, па до нивно тестирање.
