Нова мутација на коронавирусот, првично откриена во Калифорнија би можела да биде највирулентната и најсмртоносна форма на Ковид-19 досега. Се шири и на меѓународно ниво.
Фотографија: Jeff Chiu/AP Photo/picture alliance
Реклама
Прво, многу е важно да се напомене дека научниците за сега имаат многу малку сознанија за таканаречениот „калифорниски коронавирус“. Но, се стравува дека може да се шири побрзо од другите соеви на коронавирус, дека може да доведе до потешки случаи на инфекција, и потреба од интензивна нега и дека може да биде дури и посмртоносен.
Информациите кои за сега се јавно достапни се од прелиминарен извештај, односно студија кој е објавен и на онлајн платформата наречена medRxiv. Прелиминарен извештај, кој е секако научен и професионален труд, дава детали само од прелиминарни наоди кои допрва треба да бидат рецензирани од независни научници. Поради тоа во ваква фаза на лекарите не им се препорачува да користат било кој од овие податоци во оваа форма, за да не донесат клинички одлуки при лекување на пациентите базирани на нив. Оттука и податоците во овој текст треба да се земат в предвид како информации кои треба дополнително да се потврдат.
Фотографија: Valerie Macon/AFP/Getty Images
Што е познато до сега
Знаеме дека „калифорнискиот коронавирус“ првпат беше откриен во јужните делови на оваа американска држава. Научниците велат дека е варијанта на САРС-КоВ-2, вирусот кој предизвикува Ковид-19. Можно е да има два соја на новиот вид - и двата имаат малку поинакви мутации и се заведени како B.1.427 и B.1.429. Во прелиминарната студија пак научниците кои се од медицинскиот центар Чедарс-Синај во Лос Анџелес ги именуваат како CAL.20C. Оваа класификација потекнува од нивната анализа на јавно достапните податоци од два кластера на Ковид-19 каде го пронајдоа она што се вика „релативно нов сој“ CAL.20C. Само овој сој има „пет паралелни мутации“.
Додека другите нови соеви на Ковид 19, како што е британската варијанта B.1.1.7, докажано на глобално ниво се причина за зголемено ширење на заразата, истражувачите пишуваат дека „сѐ уште нема пријавени соеви кои би го објасниле порастот на случаи на заразени во Лос Анџелес и Калифорнија, каде во моментов има највисока стапка на ширење на коронавирусот по глава на жител во земјата.“ Но, се чини, до сега. „Преовладување на сојот (CAL.20C) се совпаѓа со зголемената стапка на позитивни случаи во регионот,“ пишуваат тие.
Како да се идентификуваат мутациите на коронавирусот?
01:53
This browser does not support the video element.
Што го прави CAL.20C различен?
Мутацијата CAL.20C првпат е регистрирана во Лос Анџелес во јули 2020 година, и потоа повторно минатиот октомври во Јужна Калифорнија. Оттогаш фреквентноста на овој вид се зголемува и веќе до декември таа е присутна кај 24% од секвенцираните примероци од позитивни тестови, велат научниците.
Подгрупите на кластерите од Ковид 19 кои ги споменавме погоре во текстот, се познати како 20G и 20C, при што 20G е најраширениот сој во Северна Америка. Во оваа група, која има најмалку пет мутации е и таканаречниот L452R. Ова е мутација на спајк протеинот на вирусот (познат и како „С“ протеин) преку кој вирусот навлегува во човечките клетки.
Се чини дека новата мутација му дозволува на овој протеин полесно да се закачи за „вирусниот рецептор“ во човечкото тело. Рецепторот често е опишан како “влезна точка“ преку која вирусот навлегува во клетката и ја заразува. Познато е дека мутацијата на спајк протеинот L452R е отпорна на одредени моноклонални антитела кои инаку би го спречиле вирусот да ја инфицира клетката. Ова може да има импликации кај пациентите кои се опоравуваат од Ковид 19 или дури и оние кои се вакцинирани.
Но авторите на извештајот пишуваат дека ефектот на мутацијата CAL.20C и во однос на заразноста и отпорноста кон антитела „во овој момент е непознат“.
Вухан: Една година по избувнувањето на пандемијата
На крајот на 2019 се појавија првите извештаи а на почетокот на 2020 кинескиот град Вухан стана озлогласен како прво жариште на коронавирусот во светот. Како е сега таму, една година потоа?
Фотографија: Aly Song/REUTERS
Рамо до рамо на преполните пазари
Вухан беше во карантин околу 11 недели откако стана првото глобално жариште на коронавирусот. До средината на мај 50.000 од 80.000 од официјалните случаи на заразата во Кина беа во Вухан. Но, сега животот речиси е вратен во „нормала“ на преполните улични пазари во градот.
Фотографија: Aly Song/REUTERS
Танцување на улиците
За време на карантинот, на жителите не им беше дозволено ниту да ги напуштат своите домови. Сега, тие дури можат да танцуваат заедно во парковите. Според новинската агенција Ројтерс, таму веќе со месеци нема локално пренесување на вирусот.
Фотографија: Aly Song/REUTERS
Нулта точка на коронавирусот?
Зеленчук, риба и месо - дури и диви животни - сето тоа се продаваше на овој покриен пазар. Но, тој ги затвори портите на 1 јануари 2020 година, откако започна да се шири мистериозното заболување на белите дробови и неговото потекло беше пронајдено на пазарот. Научниците сè уште не ја утврдија точната улога на пазарот во ширењето на вирусот, ако воопшто имаше улога.
Фотографија: Getty Images/AFP/N. Celis
Егзистенцијата на рестораните е изложена на ризик
Пред пандемијата, Лаи Јун поголемиот дел од производите за неговиот јапонски ресторан ги купувал во покриениот пазар. „Ги испраќав децата на училиште, појадував, а потоа одев на пазар“, вели 38-годишникот. Од повторното отворање во јуни, тој морал да оди на друго место - а некои од состојките сега чинат петпати повеќе. „Наша цел за наредната година е едноставно да преживееме“, вели тој за ДВ.
Фотографија: Aly Song/REUTERS
Нема повеќе свежа стока
Иако пазарот на приземјето сè уште е затворен, вториот кат е повторно отворен. Но, поголемиот дел од продавниците продаваат очила и други специјализирани производи за оптичари. „Некои луѓе можеби имаат чудно чувство, но сега е само празна зграда“, вели за ДВ една од продавачките, која не сакаше да го каже своето име.
Фотографија: Aly Song/REUTERS
Продавачите се префлија на улиците
Од затворањето на пазарот, некои луѓе почнаа да продаваат месо и друга свежа стока на улиците. Дури и ако продавачите носат маски и ракавици, некои велат дека условите не се во согласност со одредени хигиенски стандарди. Во екот на пандемијата на коронавирусот покриениот пазар беше критикуван поради лошите здравствени и санитарни прописи.
Фотографија: Aly Song/REUTERS
Кловн без маска- заштитна
Повеќето жители на Вухан носат маски на јавни места, особено затоа што коронавирусот не е исчезнати имала одреден број нови случаи на други места во Кина. „Многу луѓе почнаа да складираат маски, средства за дезинфекција и друга заштитна опрема“, изјави за ДВ, 29-годишниот учител по англиски јазик Јен.
Фотографија: Aly Song/REUTERS
7 фотографии1 | 7
Групи мутации
САРС-КоВ-2 мутира од кога знаеме за неговото постоење. Првата позначајна мутација на вирусот беше именувана како D614G и се појави кон крајот на јануари, почетокот на февруари 2020 година. Таа бргу го земени оригиналниот вид кој предизвика ширење на епидемијата во Вухан кој крајот на 2019 година, и стана доминантен сој на глобално ниво.
Во август или септември 2020 година во Данска беше регистриран нов сој кај одгледувани куни кој данските власти го опишаа како варијанта „Кластер 5“.
До декември 2020 година беше јасно дека доминантни стануваат и мутациите регистрирани во Велика Британија (B.1.1.7) и Јужна Африка (B.1.351) и бргу се шират глобално. Мутации на вирусот се откриени и во Бразил и Јапонија.
Веројатно е тешко, особено за оние кои не се медицински експерти, да им се фати крајот на сите овие кодови мутации, со оглед на фактот што нема меѓународно унифицирани имиња за нив. Но како што пишува Светската Здравствена Организација: сите вируси се менуваат со тек на времето.
Оттука една јасна порака која произлегува од текстов е дека без разлика кој вид на коронавирусот преовладува во вашиот регион, вирусот е се уште е околу нас и мора да се преземат сите заштитни мерки за да се заштитиме себе си, оние околу нас, и во крајна линија, светот.
Пандемија: Животот свртен на глава
Пред нешто повеќе од една година мистериозен нов коронавирус започна да се шири низ светот. Денес, бројот на заразени во пандемијата е над 100 милиони, а секојдневието на луѓето ширум планетата е драматично променето.
Фотографија: Flaming Lips/Warner Music/REUTERS
Колективно физичко дистанцирање
Сингапур има многу ниски стапки на инфекции со коронавирусот од октомври досега. Набљудувачите ја фалат оваа град-држава во југоисточна Азија за одржување на вирусот под контрола со внимателно следење на нејзините граѓани, делумно со апликацијата за задолжително следење. Падот на инфекциите значи дека локалното население може да посетува кино на отворено - под услов да се одржува физичка дистанца.
Фотографија: Edgar Su/REUTERS
Во Јужна Африка се шири страв
Јужна Африка е најтешко погодената африканска земја од пандемијата на коронавирусот. Овој пациент во болница во близина на Кејп Таун е еден од 1,4 милиони граѓани кои се заразени со Ковид-19. Новата варијанта на коронавирусот, позната како B.1.351 или 501Y.V2, само го зголеми стравот. Исто како и новата варијанта на британскиот вирус, се смета дека оваа јужноафриканска мутација е многу позаразна.
Фотографија: Rodger Bosch/AFP/Getty Images
„Социјално дистанцирање на сонце“
Со зголемените летни температури, многу Австралијци се во можност да уживаат во освежително пливање во океанот. Поставени се знаци за да ги потсетат посетителите на плажите да држат дистанца додека уживаат во сонцето, во обид да се спречи нов пораст на инфекции. Австралија забележа значително намалување на бројот нови случаи од септември наваму.
Фотографија: Bai Xuefei/Xinhua/imago images
Болка поради оние кои починаа
Келвија Андреа Гонкалвес (16) плаче на гробот на нејзината мајка во бразилскиот град Манаус - Андреа дос Реис Брасао почина на само 39-годишна возраст. Таа е една од безбројните жртви од Ковид-19 во градот кој остана без неопходниот кислород. Многу луѓе го обвинуваат екстремно десничарскиот претседател Жаир Болсонаро за мрачната состојба во земјата. Во Бразил од вирусот починаа над 221.000 лица.
Фотографија: Bruno Kelly/REUTERS
Што е сигурно е сигурно?
Во Хонг Конг, властите оградија цели населби без предупредување како одговор на ненадејниот пораст на инфекциите. Градот, посебен административен регион на Кина, наметна слични драконски мерки за спречување на епидемијата на вирусот како оние кои беа во сила во Кина. До неодамна, стапките на инфекции тука беа многу ниски.
Фотографија: Tyrone Siu/REUTERS
Танцување во сопствен меур
Американскиот рок-бенд The Flaming Lips смисли начин како да организира концерти со физичка дистанца: на неодамнешниот концерт во Оклахома Сити, бендот ја замоли публиката да влезе во пластични меури кои се надувуваат. На овој начин, тие можеа да се танцуваат додека безбедно се изолирани во сопствени меури. Публиката дури можеше да го држи на раце и фронтменот Вејн Којн кој се стркала од сцената.
Фотографија: Flaming Lips/Warner Music/REUTERS
Цркви претворени во центри за вакцинација
Многу цркви во моментов се затворени поради пандемијата, па местата за богослужба се претвораат во центри за итна вакцинација- како тука во катедралата Лихфилд, во близината на Бирмингем, Англија. За разлика од земјите во ЕУ кои во моментов се соочуваат со недостиг на вакцини против Ковид-19, Велика Британија редовно се снабдува со дози.
Фотографија: Carl Recine/REUTERS
Светло на крајот од тунелот
Ејми Езат подготвува торта во форма на вакцина која треба да се дистрибуира меѓу пациентите со Ковид-19 кои се лекуваат во болницата во Каиро. Египет се бори да ја активира својата кампања за имунизација низ целата земја. Сепак, на многумина можноста да се вакцинираат против коронавирусот им дава огромно чувство на надеж.