Наследниците на лице кое починало мора да добијат комплетен пристап до неговиот Фејсбук-профил, реши денеска Врховниот суд на Германија во Карлсруе.
Фотографија: Reuters/T. White
Реклама
Врховниот суд на Германија одлуката ја донесе по повод случајот на една мајка, која тужеше поради тоа што не може да добие пристап до профилот на социјалната мрежа Фејсбук на својата почината ќерка. Судот смета дека договорот на почината ќерка со Фејсбук е дел од наследството на нејзините родители, па согласно со тоа, тие имаат комплетно право на влез во нејзиниот Фејсбук-профил.
15-годишната ќерка на тужителката загинала во 2012. година во сообраќајна несреќа во метро под неразјаснети околности. Мајката се надева дека пристапот кон Фејсбук-контото на ќерката ќе ѝ даде одговор на прашањето дали девојчето имало евентуални самоубиствени намери. Мајката ја имала лозинката за влез, во не и пристап до сите содржини на Фејсбук-профилот, бидејќи на пример не е возможно читање на личните информации и пораки.
Судските инстанци во досегашната постапка донесоа различни пресуди за овој случај. Покраинскиот суд во Берлин во 2015. година им даде право на родителите на комплетен пристап до Фејсбук-профилот на нивното дете, но Апелациониот суд ја одби тужбата на мајката. Сегашната пресуда на Врховниот суд во Карлсруе ќе има решавачко значење во решавањето на идните случаи за односот кон дигиталното наследство.
Кога Фејсбук уметноста ја претвора во порнографија
Познати сликарски дела, изложени во музеите, се погодени исто како и афирмирани знаменитости: Фејсбук повремено блокира фотографии со делумно чудни образложенија, за кратко потоа да се извини.
Фотографија: picture-alliance/dpa/F. Rumpenhorst
Слобода го предводи народот
Жртва на интерните правила на Фејсбук беше дури и националната фигура на Француската Република: бидејќи жената која ја симболизира слободата на сликата на уметникот Ежен Делакроа е со разголени гради, Фејсбук избриша пост во кој беше уметничкото дело. Подоцна концернот се извини и го врати постот.
Фотографија: picture-alliance/dpa
Потеклото на светот
Приказот на женски гениталии, масло на платно од уметникот Густав Курбе од 1866. година од своето настанување предизвикува контроверзи и со децении беше скриено од очите на јавноста. Во 2011. година еден учител го постира на Фејсбук, а по блокирањето на акаунтот, бараше надомест на штета и го тужеше Фејсбук за цензура. Судот во март годинава (2018) донесе одлука во полза на Фејсбук.
Венера од Вилендорф
Праисториската статуа „Венера од Вилендорф“, која често е трн во окото на „чуварите на моралот“, Фејсбук ја цензурираше како „опасна порнографија“, а потоа се извини. Фигурата со големина од 11 сантиметри, а стара околу 30.000 години, прикажува гола жена и е еден од најзначајните експонати во Природно-историскиот музеј во Виена.
Фотографија: picture-alliance/H.Fohringer
Нептун
Фејсбук не е строг само кон приказите на женските облини: на почетокот на 2017. една италијанска авторка сакала својата страница за историјата на Болоња да ја рекламира преку фотографија на тамошната статуа на Нептун, поставена на Пјаца Нептуно. Фејсбук реагираше - прикажувањето на содржини недозволени за лица под одредена старосна граница и на лица во двосмислени пози се коси со неговите правила.
Бронзената фигура на крајбрежното шеталиште во Копенхаген уште од 1913. година е симбол на љубовта. Поранешна данска министерка за земјоделство со фотографија од статуата сакала да привлече внимание на текст на својот блог. Фејсбук го избришал постот, со образложение, внимавајте! - фотографијата прикажува премногу гола кожа! Кај бронзена фигура! И по ова следеше извинување од концернот.
