Синдикатите во Белгија денеска повикаа на протест против плановите за штедење на владата. Организаторите очекуваат околу 50.000 демонстранти во Брисел. Поради штрајкот во главниот град на Белгија ќе бидат блокирани 80 проценти од градскиот транспорт, поштенските услуги и училиштата.

Претставниците на приватниот сектор истакнаа дека денешниот штрајк го загрозува меѓународниот имиџ на Белгија и ги брка инвеститорите. Според официјалните податоци само во последниот месец банкротирале 8.564 белгиски фирми, од кои најголемиот број се од градежништвото.

Идната влада, која треба да ја води именуваниот премиер Елио ди Рупо планира наредната година да заштети 11,3 милијарид евра, што е околу една десетина од белгискиот буџет. Синдикатите стравуваат дека поради ваквите проекции ќе дојде до отпуштања и кратење на платите.

Автор: АТ/ дв/ миа

Редактор: Симе Недевски