Во неделата, во паркот во центарот на градот, берлинската полиција затекна 150 луѓе како вртат јагниња на ражен. Повеќето од нив, пишуваат медиумите, потекнуваат од БиХ и Хрватска, а се верува дека го славеле Ѓурѓовден.
Фотографија: Polizei Berlin
Реклама
Полициските диспечери во Берлин веројатно се изнаслушале сѐ и сешто, но она што им се случувало во неделата на 6 мај веројатно е премиера. „Дојдете ве молам во паркот во Фридрихсхајн. Таму повеќе луѓе токму изнесуваат овци од автомобилите- цели и без кожа“, рекол гласот од другата страна на врската.
Народниот парк во Фридрихсхајн, населба во Берлин, е оддалечен само три километри воздушна линија од Бранденбуршката порта, среде центарот на градот. Граѓаните тука често распалуваат скари бидејќи постојат површини предвидени за тоа, но обично и шетаат, трчаат, играат фудбал и секако не вртат овци на ражен среде тревникот.
„Децата трчкаа околу жешкиот јаглен на сувата трева. А таму... овци! Дванаесет на број. Сите се вртеа на ражни на вжештениот ќумур под сонцето. Секако дека се вртеа на батерии. Акумулаторите се подразбираат“, напиша берлинската полиција на својата Фејсбук страница.
Германскиот јазик за овие нешта е всушност недозволиво сиромашен- во него имено, не постои посебен израз за „јагне“. Сега ни останува само да ја погодуваме староста на животните, но според фотографиите веројатно се работи за јагниња.
Поголемиот дел од присутните 150-ина луѓе најпрво се правеле недоветни, но кога дошле пожарникарите, тргнале да ги спасуваат јагнињата. „Ова го правиме веќе десет години“, рекол еден од нив, според полицијата. Наводно рекле дека слават Велигден, но веројатно имало некој проблем со преводот, затоа што во неделата беше Ѓурѓовден.
Според наводите на полицијата, како што пренесува весникот Билд, повеќето учесници на прославата биле од Босна и Херцеговина. Други медиуми пишуваат дека легитимираните имале хрватски или германски документи. Тврделе дека јагнињата ги набавиле кај месар во берлинскиот кварт Вединг.
Реакции
Меѓу илјадниците коментари на социјалните мрежи има и такви кои прашуваат „какви се овие луѓе?!“ и „дали тука сѐ уште важат законите?!“. Еден корисник на Фејсбук со презиме на „иќ“ се прашува зошто толкава паника, „никој не е убиен ниту повреден“, и вели дека е подобро да се зборува за поважни теми како „на пример педофилијата во Германија“. Еден му одговара „Типичен мигрант во Германија. Ги отфрла обврските, но инсистира на своите права. Ми се гадите“.
Но, по доаѓањето на полицијата сѐ минало во најдобар ред, сите биле кооперативни, го изгаснале жарот и ги однеле јагнињата. На некои од нив наскоро ќе им стигнат „честитки“ од Градските власти, па ќе мора да платат. Доколку баш немаат среќа, максималната казна е пет илјади евра.
Полицијата ја искористи виралноста на оваа објава на социјалните мрежи да потсети како и каде треба да се прави скара. „Не ни е важно што се слави, туку како“, соопшти полицијата.
На плажа во Берлин
Берлин е на неколку часа возење од морето. Но реката Шпре и бројни езера во околината на берлинчани им нудат безброј можности за капење, во непосредна близина на нивните домови.
Фотографија: picture-alliance/dpa
Рај за едрење
Со бродови до каде што ви допира погледот, Големото Ванзе е омилената локација за едрење во Берлин. Само 45 минути од центарот на градот, тука се стационирани десетици едриличарски клубови. Кога времето е убаво, стотици бродови и јахти пловат по езерото кое е всушност притока на реката Хавел.
Фотографија: picture-alliance/dpa
Одмор на плажа
Околу 30 илјади гости се сончаат на Ванзе, еден од најголемите природни базени во Европа. За да се изгради километарски долгата плажа, песокот беше „позајмен“ од Травемунде, туристичка дестинација на Балтичкото море, и пренесен во Берлин.
Фотографија: picture-alliance/dpa
Природа во градот
Тегел е едно од 70. езера во Берлин. Тука има бројни острови до кои се стигнува само по воден пат. Преку летото, траекти возат меѓу островот и копното. Сообраќајот запира навечер, кога гостите на островот конечно добиваат малку мир.
Фотографија: Daniel Sippel/schoenes.berlin
Урбано возење со брод
Каналот Ландвер е паралелен со реката Шпре, низ срцето на Берлин, а некогаш бил важна транспортна рута. Во 1920. години покрај водата беше изградена зелена променада за да им се овозможи на жителите место за релаксација. Деновиве, во каналот можат да се забележат разни бродови додека берлинчани уживаат покрај брегот.
Фотографија: picture-alliance/dpa
Клабинг култура покрај каналот
Доколку побарате, ќе најдете десетици барови, пабови, клубови и ресторани на бреговите на Берлин. На источниот крај на каналот Ландвер, ресторанот Фрајшвимер е лоциран веднаш спротив легендарниот Клуб на визионерите. Посетителите тука можат да се опуштаат со звуците на електронската музика сѐ до изгрејсонце.
Фотографија: Kai Heimberg
Кривината
Реката Шпре практично формира права линија низ Берлин, но потоа нагло врти и минува покрај Рајхстагот, централната железничка станица и зградата на владата. Берлинчани обожуваат да се среќаваат со своите пријатели по работното време во парковите и плажите на брегот.
Фотографија: picture alliance/Arco Images
Извадете ги веслата
Огромните водени површини вода во Берлин не се користат само за едрење, туку и за веслање. Повеќе од 50 веслачки клубови имаат свои седишта на реките Шпре и Хавел. Спортот има долга традиција во градот. Во 1880 година првата регата беше одржана во Грунаи, што ја право најстара спортска локација во Берлин која се уште се користи.
Фотографија: picture-alliance/dpa
Вода за сите
Неговото официјално име е Кројцберг летен базен. Но берлинчани го нарекуваат Принц базен затоа што се наоѓа на истоимената улица. Од 1965 година, отворениот базен прима по околу 10 илјади гости секој ден во текот на летото. Посетители од најразлично потекло се среќаваат тука, што го прави вистински културен „мелтинг пот“.
Фотографија: picture-alliance/dpa
Вода на вода
Првиот брод за капење е изграден во 18. век на реката Сена во Париз, и таму аристократите можеле да се капат во речната вода но во одвоени кабини. Актуелниот берлински брод за капење ја следи таа традиција, но служи за поинаква цел. Тука гостите не се капат во реката, туку врз неа.
Фотографија: Torsten Seidel
Менлива градска панорама
Овој поглед врз реката Шпре, фотографиран од населбата Трептов, ја вклучува и скулптурата „Човекот молекула“. По германското обединување во 1990, ткн. Шпре медиумски проект привлече бројни инвеститори од овој сектор. Бројни клубови, барови и галерии исчезнаа од брегот на Шпре, но се појавија во други делови на градот. Берлин постојано се менува.
