На крајот од својот мандат, екс-претседателот на САД бесправно пренесол документи од Белата куќа во својот луксузен имот Мар-а-Лаго, меѓу кои и писма од севернокорејскиот властодржец Ким Јонг Ун.
Фотографија: Go Nakamura/REUTERS
Реклама
Вработени од Националниот архив на САД морале да подигнат повеќе картони со документи од луксузната резиденција на Доналд Трамп во Мар-а-Лаго во сојузната држава Флорида, пишува весникот „Вашингтон пост“. Меѓу документите биле најдени и писма од Ким Јонг Ун, како и од претходникот на Трамп, Барак Обама.
Законот јасно регулира дека сите писмени документи на еден американски претседател по крајот на неговиот мандат треба да бидат предадени на Националниот архив. Советниците на Трамп одрекуваат дека тој имал лоши намери земајќи ги документите во својот дом.
Трамп имаше неколку средби со Ким Јонг Ун и одржува писмен контакт со негоФотографија: KNS/AP/dpa/picture alliance
За време на својот мандат, кој заврши на 20. јануари 2021. година, Трамп изгради невообичаено близок однос со меѓународно изолираниот лидер на Северна Кореја, Ким Јонг Ун. Двајцата имаа неколку лични средби и одржуваа писмен контакт. „Тој ми пишуваше прекрасни писма, тоа се величествени писма. Ние се заљубивме“, изјави Трамп во 2018. година пред своите симпатизери. Американските медиуми оттогаш пишуваат за „љубовни писма“.
Како претседател, Трамп беше познат по својот немарен однос кон правилата поврзани со официјални документи. Републиканецот постојано кинел писма, без оглед на обврската за архивирање, а вработените во Белата куќа потоа морале да ги лепат.
И членовите на Парламентарната истражна комисија за упадот кој се случи во Капитол на 6. јануари 2021, според „Вашингтон пост“, од Националниот архив добиле на увид искинати и залепени документи. Комисијата има задача со помош на документите меѓу другото да го реконструира однесувањето на Трамп и неговите средби и телефонски разговори на денот на нападот врз Капитол.
Како течеше упадот на поддржувачите на Трамп во Капитол
Доналд Трамп, сѐуште актуелен претседател, долго ги подбуцнуваше своите најверни симпатизери. Последица: некои од нив на 6.01.2021 упаднаа во срцето на американската демократија.
Фотографија: Leah Millis/REUTERS
Создавање набој
Бројот на фанатични поддржувачи на Трмап пред Конгресот во САД растеше преку цел ден. Во почетокот, полицијата успеваше да одржува ред.
Фотографија: Olivier Douliery/AFP/Getty Images
Први судири
Паралелно со заедничката седница на двата дома на Конгресот, Сенатот и Претставничкиот дом, на која требаше официјално да биде потврдена победата на Џо Бајден на претседателските избори, пред Капитол се собираа приврзеници на поразениот претседател Доналд Трамп. Дојде до први судири со полицајците кои требаше да го обезбедуваат Конгресот.
Фотографија: Stephanie Keith/REUTERS
Преслаб кордон
Сѐ поразјарената толпа сакаше да продре во Капитол. Полицајците се обидуваа да ги спречат. На некои агресивни поддржувачи на Трамп им успеа да влезат во зградата.
Фотографија: Win McNamee/Getty Images
Упад во Капитол
Дел од демонстрантрантите успеаја да продрат длабоко во зградата, дури до вратите на Сенатот.
Фотографија: Win McNamee/Getty Images
Одбрана на последниот бастион
Обезбедувањето се обидуваше да ги држи во „шах“ насилниците во влезната хала. Политичарите во Сенатот низ задна врата беа изведени на безбедно место.
Фотографија: Manuel Balce Ceneta/AP Photo/picture alliance
Еден се проби
Во меѓувреме, еден од приврзениците на Трамп успешно се проби покрај полицајците и упадна во Сенатот. Од трибината за посетители тој скокна во пленарната сала.
Фотографија: Win McNamee/Getty Images
Со пиштоли спремни за пукање
Истите слики се повторуваа во другите крила на Капитол. И Претставничкиот дом беше цел на натрапниците. Припадниците на обезбедувањето на Конгресот ги запираа - со вперени пиштоли.
Фотографија: J. Scott Applewhite/AP Photo/picture alliance
Непријателско преземање?
Симпатизерите на Трамп навлегуваа сѐ подлабоко во зградата, сѐ до ходниците со канцелариите на Конгресот. Таму некои се распослаа на работните маси на пратениците.
Фотографија: Saul Loeb/AFP/Getty Images
Надвор од контрола
Еден од натрапниците го „присвои“ и пултот за говор на претседателката на Претставничкиот дом, Ненси Пелоси и со него се шеташе низ Капитол. Никој не го запре.
Фотографија: Win McNamee/Getty Images
Во засолниште
Пленарните сали беа евакуирани. Некои побараа засолниште во галеријата на Претставничкиот дом. Репортерите сведочеа дека биле поделени гас-маски, како заштита од солзавец.
Фотографија: Andrew Harnik/AP Photo/picture alliance
Солзавец врз Конгресот
На силите на безбедноста не им остана ништо друго освен да ја растурат разулавената толпа, употребувајќи солзавец.
Фотографија: Andrew Caballero-Reynolds/AFP/Getty Images
Засилувањето го оконча хаосот во Капитол
Полициските сили добија засилување, Националната гарда поита во помош, а градоначалничката на Вашингтон воведе полициски час до раните утрински часови. Така во Вашингтон ноќта полека се врати мирот.
