Германските пратеници водат делумно жестоката дебата околу обврската за вакцинирањепротив Ковид. Министерот за здравство Карл Лаутербах (СПД) и пратеникот на Зелените, Јанош Дамен, се изјаснија за воведување задолжителна вакцинација за лицата над 60 години.

Експертот на пратеничката група на Унијата (ЦДУ/ЦСУ), Тино Зорге, застана зад барањето на Унијата за носење закон за превенција со вакцинирање, кој, меѓу другото, предвидува создавање вакцинален регистар. Пратеникот на ФДП, Волфганг Кубики, залагајќи се за ваквото барање рече дека со него се предвидува залагање за вакцинација, но не и обврска за вакцинирање. Шефицата на пратеничката група на деснопопулистичката АфД, Алис Вајдел, отфрла задолжителна вакцинација, затоа што тоа, според неа, значи посегање по телесната неповредливост.

На гласање во парламентот се неколку предлози. Две групи пратеници, каде припаѓаат и Лаутербах и Дамен, во вторникот вечерта (5.04) постигнаа согласност за заеднички предлог закон за воведување задолжителна вакцинација за лица над 60 години.

Членовите на Унијата бараат закон за превенција со вакцинација. Два други предлога се против задолжителна вакцинација. Против обврска за вакцинирање се изјаснуваат пратеници од различни пратенички групи. Тие сакаат зголемување на свеста за вакцинирање преку поголемо информирање. АфД има свој предлог насочен против задолжително вакцинирање.

- повеќе: Пандемијата беснее- во втор план: Нов рекорд на заразени во Германија

Исходот од гласањето е сосема неизвесен. Од владини кругови се вели дека канцеларот Шолц ја повикал министерката за надворешни работи Бербок да се врати од средбата на НАТО во Брисел за да присуствува на гласањето во Бундестагот.