Една недела по одржувањето на референдумот за уставни промени и поразот на Матео Ренци, италијанскиот претседател Серџо Матарела мандатот за состав на влада му го даде на министерот за надворешни работи Паоло Џентилони. На Италија ѝ е неопходна „целосно функционална влада“, која ќе се справува со економските, социјални и меѓународни проблеми.

Матео Ренци го постави Џентилони за шеф на дипломатијата есента 2014 година, откако Федерика Могерини замина за Брисел на функцијата Висок претстаник на ЕУ за надворешна и безбедносна политика. Џентилони мора брзо да го состави својот тим. Парламентот за новиот кабинет би можел да гласа веќе во среда.

Германскиот министер за надворешани работи Франк-Валтер Штајнмајер му честиташе на својот досегашен колега Џентилони. „Беше извонреден колега“, оцени Штајкнмајер, додавајќи дека со италијанскиот министер соработувал „блиско, пријателски и со меѓусебна доверба“.

Матео Ренци поднесе оставка на функцијата премиер во средата, откако на референдумот не доби мнозинство гласови за, од негова страна побараните, уставни промени.