Краткорочен раст на вредноста на акциите на Амазон го доведе шефот на интернет концернот, Џеф Безос на врвот на листата на најбогати луѓе во светот на магазинот Форбс. Но кратко потоа Бил Гејтс повторно се врати на врвот
Фотографија: picture-alliance/newscom/J. Ruymen
Реклама
Основачот на Амазон, Џеф Безос, синоќа во одреден момент стана најбогатиот човек на светот, надминувајќи го Бил Гејтс, основачот на софтферскиот гигант Мајкрософт, благодарение на скокот на цената на акциите на Амазон на берзите, пренесе денес американскиот економски магазин Форбс.
Богатството на генералниот директор на Амазон, основан во 1994 година во Сиетл, со краткотрајниот скок на курсот на акциите на овој интернет гигант се искачи на 90,5 милијарди долари, додека она на Бил Гејтс беше 90 милијарди долари.
Падот на добивката на Амазон неколку часа подоцна предизвика пад на курсот на акциите на овој концерн, и повторно воспоставување на старата ранг-листа на најбогати луѓе во светот.
Поголем дел од богатството на Безос е неговото учество во капиталот на Амазон. Безос е сопственик на акции во својата компанија во вредност од 80,89 милиони долари, што е околу 17 отсто од капиталот на Амазон.
Фотографија: Getty Images/D.Ryder
Во последните четири месеци акциите на Амазон поскапеле за 24 насто на берзите, што за Безос значеше зголемување на богатството за околу 17 милијарди долари, иако е тоа само потенцијално богатство, сѐ додека не ги продаде овие акции.
Меѓу првите 10 најбогати луѓе во светот е и основачот на социјалната мрежа Фејсбук, Марк Закерберг, чие богаство во моментов е проценето на 72,9 милијарди долари.
Милионери насекаде!
Може да се стане милионер и на бината, на филмското платно, на спортскиот терен. Магазинот „Форбс“ неодамна го објави актуелното рангирање на проминентните личности со највисока заработувачка.
Фотографија: Getty Images/M. Coppola
Прво место: Тејлор Свифт (170 милиони долари)
Со само 26 години поп-дивата го урна рекордот на северноамериканската турнеја на Ролинг Стоунс. Со нејзината „1989 Светска турнеја“ минатата година таа само на овој континент заработи 200 милиони долари. Така таа ја претекна својата конкурентка Кети Пери, која лани касираше преку 135 милиони долари.
Британската поп-група е најбогатата машка група на сите времиња и со својата турнеја „Повторно на пат“ заработи 200 милиони долари. А момците се екстремно продуктивни,: во последните пет години тие издадоа пет албуми.
Фотографија: Imago/IPA Press
Четврто место: Кристијано Роналдо (88 милиони долари)
Новопечениот фудбалски европски шампион Кристијано Роналдо е најдобро пласираниот спортист на листата. Со преку 200 милиони фанови на социјалните мрежи тој освен тоа е и најпознатиот спортист. Меѓу другите, негов спонзор е и производителот на спортска опрема, Најк.
Фотографија: picture-alliance/dpa/F. Gambarini
Шесто место: Кевин Харт (87,5 милиони долари)
Комедијантот Кевин Харт лани наполни преку 100 стадиони, во просек тој со своето шоу заработуваше преку еден милион долари од настап.
Фотографија: Getty Images/M. Coppola
Осмо место: Лионел Меси (81,5 милиони долари)
Чесно заработени пари? Не би се рекло. Фудбалската ѕвезда неодамна стигна во медиумските наслови откако шпанскиот суд го прогласи за виновен поради затајување данок. Аргентинецот доби условна затворска казна од 21 месец, што значи нема да оди зад решетки. Освен тоа, тој вложи жалба на пресудата. Со своите милиони тој и онака живее опуштено.
Фотографија: Reuters/A. Gea
Деветто место: Адел (80,5 милиони долари)
Пејачката Адел е единствената на целата листа која преку половина од својот приход го има заработено со својата музика. Нејзиниот албум „25“ само во првите недели по излегувањето се продаде во 3,4 милиони примероци, вкупно досега 17,4 милиони примероци.
Фотографија: picture-alliance/dpa/H. Kaiser
12-то место: Мадона (76,5 милиони долари)
Таа е најстарата музичарка на ранг-листата, но и со 57 години покажува најдобра форма, па и во заработувачката. На 25-то место е 74-годишниот Пол МекКартни како најстар музичар. Неговата заработувачка - 56,5 милиони долари.
Фотографија: Reuters/B. Tessier
20-то место: Дејвид Коперфилд (64 милиони долари)
59-годишниот магионичар освен со многуте милиони долари може да се пофали и со најголемата светска колекција на магионичарски артефакти, како и со 11 приватни острова во Карибите. Очигледно, тој добро знае како да направи пари.
Првопласирана двојка: Бијонсе и Џеј Зи (107,5 милиони долари)
Пејачката Бијонсе со право го носи своето сценско име „Квин Б“. Заедно со својот маж Џеј Зи тие се најдобро платената брачна двојка во светот. Лани тие заедно касирале 107,5 милиони долари.
