Радоста околу печената дива свиња Ангела Меркел и Џорџ Буш не можеа да ја сокријат. Имено вчерашната вечерна скара беше тема на разговор и во текот на денот, а за тоа се шегуваше и германската канцеларка.

Но пред заедничката скара на Ангела Меркел и американскиот претседател Џорџ Буш во селцето Тринвилерсхаген, денот беше исполнет со настапи во јавноста а се водеа политички разговори.

Меркел го пречека Буш во Штралзунд, следуваа прегрнувања, бакнежи и вообичаените комплименти на Буш „Од овој регион доаѓа прекрасна канцеларка и горд сум, што можам да кажам дека Ангела Меркел ми е пријателка. Таа е подготвена да донесува тешки одлуки и положува голема вредност на партнерствата. И како и многумина други од меѓународната заедница имам голем респект кон неа.“

Но и Ангела Меркел на американскиот претседател му сигнализираше дека германско американското пријателство и лежи на срце „Знаеме дека треба многу да им се заблагодариме на Соединетите Американски држави, што денеска живееме во мир и слобода и обдинета Германија.“

По размената на пријателските зборови, почнаа политичките преговори на Буш и Меркел покрај Блискиот исток тема на разговор беше и Техеран, кој сеуште не одговорил на пакетот понуди на меѓународната заедница „Вратата за преговори не е затворена. Но Иран мора да знае дека оние кои ја поднесоа понудата имаат и воља заеднички да агираат, и тоа јасно.да го покажат преку резолуција на Советот за Безбедност.“

Американскиот претседател се заблагоради кај Меркел за поддршката за Иран „Важно е Европа да зборува во еден глас. Важно за мене, за Ангела, е да соработуваме со Русија. Мора да го охрабриме Владимир Путин заедно со нас да настапи против Иран и јасно да се покаже дека не се шегуваме.“