Џо Бајден е фит, Камала Харис кратко шефица во Белата Куќа
СН/агенции
20 ноември 2021
Џо Бајден денеска го слави својот 79-ти роденден. Тој стапи на функцијата како најстар претседател на САД на сите времиња и сега ги претстави резултатите од неговата здравствена проверка за првпат во неговиот мандат.
Џо Бајден при излегувањето од болницата Волтер Рид, каде му беше извршена колоноскопијаФотографија: Michael Reynolds/Pool via CNP/picture alliance
Реклама
Американскиот претседател Џозеф Бајден излезе вчера од болницата Волтер Рид, во близината на Вашингтон, по систематскиот преглед за кој на новинарите им рече дека поминал „многу добро“.
„Се чувствувам одлично“, изјави Бајден додека излегуваше од болницата.
Докторот на Бајден, Кевин О'Конор, во писмо од шест страници објавено од Белата Куќа соопшти детали за здравствената состојба на шефот на државата и врховен командант на вооружените сили на САД : „Претседателот останува здрав, силен, 78-годишен човек кој е способен успешно да ги извршува претседателсските должности“. Лекарот детално наведува различни тестови и рутински прегледи кои ги поминал Бајден - вклучително и колоноскопијата под целосна анестезија.
Токму поради колоноскопијата, Џо Бајден мораше, како што налага Уставот, да ѝ ги пренесе претседателските овластувања на потпретседателката Камала Харис.
Речиси час и половина, Камала Харис имаше претседателски овластувањаФотографија: Evelyn Hockstein/AP/picture alliance
Овој пренос на овластувањата траеше точно еден час и 25 минути, колку што траела анестезијата.
Камала Харис така, за кусо време, стана првата жена која имала претседателски овластувања во САД.
Бајден, кој денеска полни 79 години, е најстариот претседател на САД. Тој порано вети дека ништо нема да крие за својата здравствена состојба и редовно ќе ги објавува резултатите од систематските прегледи.
Светските лидери ги засукаа ракавите - која вакцина ја одбраа
Германската канцеларка Ангела Меркел се приклучи на растечката листа на светски лидери кои се вакцинираа против Ковид-19, таа прими АстраЗенека. Преглед на дел од државниците кои веќе се вакцинираа.
Фотографија: Frank Augstein/AP Photo/picture alliance
Џо Бајден
Американскиот претседател Џо Бајден во јануари ја прими втората доза вакцина од Бионтек/Фајзер. До средината на април, според податоците на Американските центри за контрола и превенција од заразни болести, во САД најмалку 120 милиони граѓани примиле прва доза вакцина, а преку 70 милиони се целосно имунизирани.
Фотографија: Tom Brenner/REUTERS
Бенјамин Нетанјаху
Израелскиот премиер Бенјамин Нетанјаху исто така прими вакцина од Бионтек/Фајзер. Израел има на располагање милиони вакцини преку договор со Фајзер, кој предвидува давање медицински податоци на фармацевтскиот концерн за возврат. До средината на април, 53% од 9 милиони жители на Израел се имунизирани со вакцината на Бионтек/Фајзер. Израел главно ги укина рестрикциите воведени поради пандемијата.
Фотографија: Amir Cohen/REUTERS
Нарендра Моди
Индискиот премиер Нарендра Моди на 1 март бил имунизиран со вакцината Коваксин, произведена во Индија. Во земјата први на ред за вакцинација се вработените во здравството, на првата линија во борба против Ковид-19 и хронично болните. Индија во моментов е втора во светот според бројот на случаи на заболени од Ковид-19, по најновиот пораст на нови инфекции.
Британскиот премиер Борис Џонсон ја прими првата доза од вакцината на АстраЗенека во март. Таа е развиена во соработка со Универзитетот Оксфорд и во моментов е во фокусот поради низа контроверзи. Неколку земји ја прекинаа нејзината употреба поради случаи на згрутчување на крвта кај вакцинирани со оваа вакцина.
Фотографија: Frank Augstein/AP Photo/picture alliance
Жан Кастекс
Францускиот премиер Жан Кастекс беше вакциниран со АстраЗенека во истиот ден со британскиот колега Борис Џонсон. Тој тоа го направи пред телевизиските камери, со цел да ја врати довербата во оваа вакцина кај граѓаните.
Фотографија: Thomas Coex/AP Photo/picture alliance
Скот Морисон
На австралискиот премиер Скот Морисон му беше инјектирана вакцината на Бионтек/Фајзер. Тој тврдеше овој месец дека Австралија во вакцинацијата ги надминала Германија, Нов Зеланд, Јужна Кореја и Јапонија. Но, сепак тој се откажа од својата цел – сите Австралијци да бидат целосно имунизирани до крајот на оваа година.
Фотографија: Mark Evans/Getty Images
Реџеп Таип Ердоган
Турскиот премиер Ердоган пред камерите се вакцинираше со кинеската вакцина Синовак во јануари. Целта на јавното вакцинирање беше да ги мотивира граѓаните да се имунизираат. Во Турција досега се дадени околу 19 милиони дози вакцини, главно Синовак, додека вакцинирањето со Бионтек/Фајзер почна на 2 април.
Фотографија: Murat Cetinmuhurdar/Presidential Press Office/REUTERS
Јок Видодо
Индонезискиот претседател Јоко Видодо ја прими вакцината Синовак. Втората доза му беше дадена на 27 јануари, настанот беше пренесуван во живо на телевизијата. Владата планира со вакцинација на 181 милион жители да заврши во следната година.
