Гутереш ја критикува „несолидарноста“ при вакцинацијата
СН/агенции
16 јануари 2021
Генералниот секретар на ОН, ја критикува нерамномерната дистрибуција на вакцините. За разлика од богатите земји, земјите во развој немаат пристап до нив. Гутереш зборуваше за „успех на науката, но пораз на солидарноста“.
Фотографија: Kay Nietfeld/dpa/picture alliance
Реклама
Од почетокот на пандемијата, повеќе од два милиони луѓе починале откако биле заразени со коронавирусот. Тоа произлегува од податоците на Универзитетот Џон Хопкинс во Балтимор,објавени синоќа. Досега има повеќе од 93 милиони потврдени инфекции од вирусот ширум светот. Експертите претпоставуваат дека бројката на заразени е далеку поголема поради непријавените случаи.
Генералниот секретар на ООН Антонио Гутереш освнувајќи се на информацијата за два милиони смртни случаи од Ковид-19 како срцепарателна пресвртница. Во видео порака тој истакна вели: „Зад овој вознемирувачки број стојат имиња и лица: насмевката што е само спомен, вечно празниот простор на трпезариската маса, просторијата во која одекнува тишината на некој близок“. Гутереш критикуваше дека смртоносните ефекти од пандемијата се влошиле поради недостаток на координирани глобални напори.
Фотографија: Dominic Lipinski/picture-alliance
Гутереш, го повика светот да покаже поголема солидарност, во моментот кога повеќе од два милиони луѓе починаа од коронавирусот, за да се обезбеди достапност на вакцината за сите земји.
Тој во видео пораката порача дека владите се одговорни да го заштитат народот. „Науката напредува, но солидарноста опаѓа“, предупреди тој.
Гутереш додаде дека особено водечките светски економии имаат одговорност да ја поддржат програмата Ковакс на Светската здравствена организација за купување и дистрибуција на вакцините против коронавирусот за најсиромашните луѓе во светот.
Тој ги повика богатите држави да го поделат вишокот дози од вакцината кои „би помогнале итно да се вакцинираат сите здравствени работници во светот и да се заштитат здравствените системи од пропаѓање“.Њујорк им понуди вакцинација на луѓето над 65 години, а 71-годишниот Гутереш би требало да се вакцинира наредната недела, изјави портпаролот на ОН, Стефан Дижарик.
Вухан: Една година по избувнувањето на пандемијата
На крајот на 2019 се појавија првите извештаи а на почетокот на 2020 кинескиот град Вухан стана озлогласен како прво жариште на коронавирусот во светот. Како е сега таму, една година потоа?
Фотографија: Aly Song/REUTERS
Рамо до рамо на преполните пазари
Вухан беше во карантин околу 11 недели откако стана првото глобално жариште на коронавирусот. До средината на мај 50.000 од 80.000 од официјалните случаи на заразата во Кина беа во Вухан. Но, сега животот речиси е вратен во „нормала“ на преполните улични пазари во градот.
Фотографија: Aly Song/REUTERS
Танцување на улиците
За време на карантинот, на жителите не им беше дозволено ниту да ги напуштат своите домови. Сега, тие дури можат да танцуваат заедно во парковите. Според новинската агенција Ројтерс, таму веќе со месеци нема локално пренесување на вирусот.
Фотографија: Aly Song/REUTERS
Нулта точка на коронавирусот?
Зеленчук, риба и месо - дури и диви животни - сето тоа се продаваше на овој покриен пазар. Но, тој ги затвори портите на 1 јануари 2020 година, откако започна да се шири мистериозното заболување на белите дробови и неговото потекло беше пронајдено на пазарот. Научниците сè уште не ја утврдија точната улога на пазарот во ширењето на вирусот, ако воопшто имаше улога.
Фотографија: Getty Images/AFP/N. Celis
Егзистенцијата на рестораните е изложена на ризик
Пред пандемијата, Лаи Јун поголемиот дел од производите за неговиот јапонски ресторан ги купувал во покриениот пазар. „Ги испраќав децата на училиште, појадував, а потоа одев на пазар“, вели 38-годишникот. Од повторното отворање во јуни, тој морал да оди на друго место - а некои од состојките сега чинат петпати повеќе. „Наша цел за наредната година е едноставно да преживееме“, вели тој за ДВ.
Фотографија: Aly Song/REUTERS
Нема повеќе свежа стока
Иако пазарот на приземјето сè уште е затворен, вториот кат е повторно отворен. Но, поголемиот дел од продавниците продаваат очила и други специјализирани производи за оптичари. „Некои луѓе можеби имаат чудно чувство, но сега е само празна зграда“, вели за ДВ една од продавачките, која не сакаше да го каже своето име.
Фотографија: Aly Song/REUTERS
Продавачите се префлија на улиците
Од затворањето на пазарот, некои луѓе почнаа да продаваат месо и друга свежа стока на улиците. Дури и ако продавачите носат маски и ракавици, некои велат дека условите не се во согласност со одредени хигиенски стандарди. Во екот на пандемијата на коронавирусот покриениот пазар беше критикуван поради лошите здравствени и санитарни прописи.
Фотографија: Aly Song/REUTERS
Кловн без маска- заштитна
Повеќето жители на Вухан носат маски на јавни места, особено затоа што коронавирусот не е исчезнати имала одреден број нови случаи на други места во Кина. „Многу луѓе почнаа да складираат маски, средства за дезинфекција и друга заштитна опрема“, изјави за ДВ, 29-годишниот учител по англиски јазик Јен.
