2023 на пат да стане најтопла година во историјата
СН/агенции
5 октомври 2023
Службата на ЕУ за климатски промени потврди дека овој септември бил најтоплиот од почетокот на мерењата. Тој следувуваше по рекордно топлото лето. Со тоа 2023 е на добар пат да стане најтопла година во историјата.
Климатските промени ги прават екстремните временски услови поинтензивниФотографија: Alexandros Avramidis/REUTERS
Реклама
Тековната година е на пат да стане најтопла досега, соопшти Службата за климатски промени на Европската унија, Коперник.
Најтоплиот септември забележан на глобално ниво следеше по летото со рекордни температури годинава, објави Коперник.
Температурите во септември годинава беа за половина степен повисоки од претходниот најтопол септември во историјата и речиси цел степен повисоки од просечниот септември помеѓу 1991 и 2020 година.
„Температурите без преседан за овој период од годината забележани во септември - по рекордното лето - урнаа нови рекорди“, изјави Саманта Бурџис, заменик директор на Службата за климатски промени Коперник.
Температурите во 2023 година сега се на пат да бидат 1,4 степени над просечните температури од прединдустрискиот период, рече Бурџис.
Како климатските промени се одразуваат во Европа?
Европскиот парламент прогласи „климатскa вонредна состојба“, бидејќи Европа доживеа екстремни временски услови- од рекордните топлотни бранови, па сè до катастрофални поплави. Дали за тоа се виновни климатските промени?
Фотографија: picture-alliance/S. Ziese
Рекордни топлотни бранови
Во летото 2019 година се забележани топлински рекорди низ целиот европски континент. Во јули, во Германија беше измерена највисоката температура досега од 42,6 Целзиусови степени. Франција го урна својот рекорд на горештина двапати во 2019 година, со највисока измерена температура од 46 Целзиусови степени во јули. Климатските промени ја зголемуваат фрекфенцијата на топлотните бранови.
Во ноември 2019 година, италијанскиот град архипелаг Венеција доживеа повеќе поплавувања и високо ниво на водата од 1,5 метри, кое беше достигнато трипати во една недела, за прв пат во историјата. Прогнозираното покачување на нивото на морето како резултат на климатските промени може во иднина да ги направи овие настани уште почести.
Фотографија: Getty Images/AFP/M. Medina
Шумски пожари во Шпанија
Истиот топлотен бран што донесе рекордни температури во Франција ги предизвика најлошите шумски пожари кои ја погодија Шпанија во последните 20 години. На шпанскиот остров Гран Канарија, пожарите во август го уништија националниот парк на популарниот туристички остров. Повисоките температури и сувиот воздух како резултат на климатските промени го зголемуваат ризикот од пожари.
Фотографија: Reuters/B. Suarez
Германските шуми изумираат
Комбинацијата од суша, невреме и екстремна топлина ги осиромашува германските шуми. Според БДФ, група за заштита на шумите, во Германија, повеќе од 1 милион дрва умреле од 2018 година. „Ова веќе не се поединечни невообичаени временски настани. Ова се климатските промени“, вели претставник на БДФ.
Фотографија: picture-alliance/dpa/T. Frey
Исчезнуваат глечерите на Алпите
Глечерот на италијанската страна на Мон Блан доживеа забрзано топење во 2019 година. И ентузијастите одржаа „погреб“ за глечерот Пизол на швајцарските Алпи, кој речиси целосно исчезна. Научниците велат дека климатските промени го забрзуваат топењето на глечерите на Алпите.
Фотографија: AFP/F. Coffrini
Сушата влијае врз производството на храна
Сушата во Германија две години по ред силно ги погоди земјоделците. Во 2018 година, рекордната суша предизвика големи загуби кај земјоделските култури, а топлотните бранови во 2019 година, дополнително ги оштетија земјоделските култури. „Климатските промени значат почести суши и екстремни временски услови во Германија“, изјави потпретседателот на германската служба за временски услови Паул Бекер.
Фотографија: picture-alliance/dpa/S. Hoppe
6 фотографии1 | 6
Топење на мразот на Антарктикот
Тоа е само 0,1 степен под целта поставена со Парискиот климатски договор, кој има императив да го ограничи затоплувањето на 1,5 степени до крајот на векот.
Меѓутоа, септември веќе беше 1,75 степени потопол отколку во прединдустрискиот референтен период од 1850 до 1900 година.
Мразот на Антарктикот, исто така, достигна историски најниско ниво во септември, покривајќи девет проценти помалку површина од просекот помеѓу 1991 и 2020 година. На Арктикот, морскиот мраз во септември беше на петто најниско ниво.
Во однос на врнежите, во септември сликата беше мешана. Поголеми делови од западна Европа добија повеќе дожд од вообичаено, а имаше поплави во Грција и во Либија како последица на бурата Даниел, циклон сличен на оние во тропските предели, која го погоди Средоземното Море.
Поројни дождови и големи поплави во Грција
01:00
This browser does not support the video element.
Другите делови на Европа, Соединетите Американски Држави, Мексико, Централна Азија и Австралија го забележаа најсувиот септември од почетокот на мерењата.
Службата на ЕУ за климатски промени, Коперник редовно објавува податоци за температурата на површината на Земјата, ледената покривка и податоци за врнежите.
Наодите се засноваат на компјутерски генерирани анализи кои вклучуваат милијарди мерења од сателити, бродови, авиони и метеоролошки станици ширум светот.
