Мириц во северна Германија има големина од повеќе од 110 квадратни километри. Тоа е најголемото езеро кое се наоѓа целосно на територија на Германија. Боденското Езеро на југ е поголемо, но тоа е распространето и во Австрија и Швајцарија. Мириц е дел од Мекленбуршкото Поезерје, регион со многу езера, плажи, пространи ливади и шуми.

И во околината на Берлин има многу езера, а најпознато е Големото Ванзе. Плажата со ситен песок, долга 1,2 километри, пружа чувство како да сте на море. А, таквото чувство и не е сосема погрешно, зашто песокот за плажата е делумно донесен од Балтичко Море. На езерото има место за околу 50.000 капачи, па сепак налето се случува да нема место.

Чувството како да сте на море го имате и при капењето во Штајнхудското Езеро. Оттука и збунувачкото име на езерото (Steinhuder Meer; Meer значи море) кое се наоѓа на околу 30 километри северозападно од Хановер. Тука има две плажи - на северниот дел од езерото и на островот за капење во Штајнхуде. Околината околу езерото е разнолика - шуми, мочуришта, дини.Тие канат на возење велосипед или прошетки

Кога жителите на Хановер не сакаат да возат далеку, имаат езеро и директно на својот праг - Машзе. Тоа е вештачко езеро, создадено во 1930-те и се протега пред Новото градско собрание, една од големите знаменитости на Хановер (на фотографијата).

Романтично! Титизе е сместено помеѓу ридовите на Шварцвалд, на југот од Германија. Налето е одлично за пливање и за возење педалинки, а назима е речиси постојано замрзнато. Особено позната и убава е променадата на која шетаат туристите, но и жителите на Титизе-Нојштат.

Најголемото по површина и најдлабоко езеро во Германија, кое се протега и во Австрија и Швајцарија, се наоѓа на југот на земјата. Климата е јужна, па дури има и палми, а во позадина кон небото се протегаат Алпите, со врвови покриени со снег. Градски центар во регионот е Констанц (на фотографијата).

Штарнбершкото Езеро радо се нарекува - минхенската када! Тоа се наоѓа на само неколку километри оддалеченот од главниот град на покраината Баварија и налето претставува место за опуштање и рекреација на жителите на градот. Има многу убави места за капење, делумно и со песочни плажи. Едрење, возење велосипед, прошетки - и сето тоа при прекрасна планинска панорама.

И Кимското Езеро има прекар. Се нарекува баварско море, затоа што со своите 18 километри должина е најголемото езеро во Баварија. Убавините на езерото знаел да ги цени уште кралот Лудвиг Втори, кој тука го изградил дворецот Херенкимзе, еден вид баварски Версај.

На Валхензе, едно од најдлабоките и истовремено најголеми алпски езера во Германија, се чини како Карибите да се среќаваат со баварската идила. Опколено од величествени планини, езерото отсјајува во тиркизна боја. Невообичаената боја доаѓа од многуте калцити на планините Карвендел кои се „мијат“ во езерото и ја рефлектираат сончевата светлост.

Од убавината на Кралското Езеро во националниот парк Берхтесгаден биле фасцинирани безброј уметници. Над езерото се издига планината Вацман и ја прави кулисата едноставно перфектна.

Прекрасни карпести предели, златен песок и магични заливи - Алгарве е најпопуларната туристичка дестинација во Португалија. Регионот нуди многу сонце низ целата година. Плажата Кастело во близина на Албуфеира е идеална за нуркање.

Најголемиот остров во Медитеранот има бројни атракции, од средновековни градови до антички остатоци и модерни рисорти. Ераклеа Миноа е најдобар пример за тоа со своите бескрајни песочни плажи и бели гребени. Во сонцето и морето можете да уживате до длабоко во есента.

Хосегор е најдобрата локација за сурфање во Франција. Во водите на Атлантикот тука се формираат бранови со височина и до три метри, па затоа овa одморалиште на југозападот на Франција е домаќин на меѓународни сурфинг натпревари од 1970. години.

Најголемиот грчки остров е благословен со кристално чисти води и бескрајни плажи. На југозападниот крај на островот е 'ртот Елафониси. Светлиот песок на плажата и‘ дава карипски шмек.

Балтичкиот остров на северниот брег на Германија е популарен меѓу редовните годишноодморци, но и меѓу љубителите на природата. Користењето приватни моторни возила тука е забрането, а на островот нема повеќекатни хотелски комплекси. Хидензе е познат како дом на разни видови птици, а може да се истражува со велосипед, со коњска кола, или пеш.

Југоисточниот брег на Девон го доби прекарот „Англиска ривиера“ поради умерената клима, песочните плажи, палмите... Плажите се протегаат во должина од повеќе од 6 километри, и посебно се ценети кај сурферите.

Ова е идеално место за оние кои бараат одмор без вообичаениот масовен туризам. Нон не се само луѓето тие кои бараат спокој. Ицтузу плажата е популарна и меѓу морските желки кои тука ги несат своите јајца и уживаат посебна заштита. Во регионот на Далиан можат да се видат и бројни историски и споменици на културата.

Данскиот остров Ромо ја има најшироката плажа во северна Европа. Бидејќи растојанието до водата понекогаш е и неколку километри, на посетителите им е дозволено да возат од и до плажата. Местото e популарно и за едрење и јавање коњи.

Иако веќе одамна познати, плажите во Црна Гора се сериозна конкуренција за веќе етаблираните дестинации во соседна Хрватска. Заливот и плажата Јаз се особено популарни, а во непосредна близина можете да уживате и во убавините на стариот град во Будва.

Куронската Коса се протега на 98 километри по должината на источниот брег на Балтичкото море. Се состои од низа песочни дини, а Нида се наоѓа во неговата средина. Писателот Томас Ман рекол дека во местото се чувствувал како во Сахара и си изградил летна вила во близината.

Овој балеарски остров е познат по својот нооќен живот. Многу посетители се забавуваат преку целата ноќ, а потоа денот го минуваат покрај море. Плажата Бенирас на север на островот, на пример, нуди спектакуларни зајдисонца.