о.

„Ми се допаѓа БигМек. Во МекДоналдс се брзи, добри, а и чисто е. Освен тоа, тука има и убави луѓе“. „Јадењето има убав вкус, а тие имаат и голем избор. Ми се допаѓа“ – вели „гласот на народот“.

Претпријатието до Оук Брук во Илиноис е повеќе отколку само успешен светски концерн. „МекДоналдс е симбол за американската култура“ – вели Џејмс Вотсон, професор по антропологија на Харвардскиот универзитет.

Нема уживање, без каење: Американците – 30 насто од децата и две третини од возрасните - страдаат од дебелина. На врвот меѓу можните виновници стои МекДоналдс. „Дебелината е многу голем проблем во САД. Многу луѓе бараат решение, но и некого, кому ќе му ја префрлат вината. Сметам дека ќе биде многу тешко колективни тужби против фастфуд-индустријата да постигнат сличен успех како против тутунската“ – оценува професор Вотсон.

Од пред подолго време МекДоналдс се обидува на критичарите да им контрира со проширена нискокалорична понуда. Муштериите не изгледаат премногу загрижени: „Ви изгледам ли дебел?“

Во средата концернот, сега предводен од 60-годишниот Џим Скинер, ги повиши прогнозите за првиот квартал од годинава. Вредноста на акциите, по кризата пред две години, во меѓувреме е трикратно зголемена.

Првата филијала во Германија МекДоналдс ја отвори пред 34 години во Минхен. Долго време бизнисот овде, како и во Европа, не одеше добро. Сега со специјални понуди како пилешки сендвич за едно евро МекДоналдс сака повторно да ги привлече Германците.