Македонија се наоѓа на 34 место во светот и на второ во Европа според загаденоста на воздухот со ПМ честички, покажува најновиот годишен извештај за 2025 година на платформата Ај-кју-ер (IQAir). Земјата е рангира зад Босна и Херцеговина која е на 27 место, а пред Србија која е 38-ма, со просечен коефициент од 21,2, што значи надминување на безбедните вредности за три до пет пати.

Тетово и Струмица – најзагадени градови во Македонија

Најзагадени македонски градови лани биле: Тетово и Струмица, каде вредностите на ПМ 2,5 биле пет до седум пати над дозволените граници. Скопје е на 113 место со коефициент од 19,1.

Најзагадени месеци биле јануари, февруари и декември, додека најчист воздух имало во април и мај.

Само 13 земји во светот дишат безбеден воздух

Според извештајот, само 14% од градовите глобално го исполнуваат упатството на СЗО за ПМ 2,5. Земји што ги исполнуваат овие стандарди се: Француска Полинезија, Порторико, Американските Девствени Острови, Барбадос, Нова Каледонија, Исланд, Бермуди, Реунион, Андора, Австралија, Гренада, Панама и Естонија.

Германија е на 102 место на ранг-листата, со средна вредност 9,4. 

Најзагадени земји во светот во 2025 година

Највисоки нивоа на ПМ 2,5 се регистрирани во Пакистан, Бангладеш, Таџикистан, Чад и Конго.  Најзагаден град во светот е Лони, Индија, каде концентрацијата на опасни честитички е за 22 пати поголема од упатството на СЗО. Најчист град е Њувудвил (Јужна Африка).

Само три европски земји ги исполнуваат безбедните стандарди на СЗО: Андора, Естонија и Исланд.

Во 2025 година:

• 23 земји регистрирале пораст на ПМ 2,5
• 18 земји бележат намалување
• Швајцарија и Грција имаат зголемување над 30% поради чад од шумски пожари
• Малта има најголем пад на загадувањето (24%) благодарение на транзицијата кон обновливи извори

Во моменталните мерења во живо, меѓу петте најзагадени европски градови се: Париз, Лондон, Пекинг, Дака, Вухан, додека делови од Балканот и Источна Европа и натаму се најпогодени од загадување од согорување фосилни горива.