Група војници и полицајци во Габон во телевизиско обраќање објавија „крај на актуелниот режим“. Дванаесетте мажи на телевизијата Габон 24 денеска (30.08) објавија и дека ќе ги анулираат претседателските и парламентарните избори што се одржаа минатиот викенд и ќе ги распуштат „сите институции на републиката“. Границите на централноафриканската земја остануваат затворени до натамошно известување.

Војската го оправдува чекорот со „неодговорното, непредвидливо владеење“ што довело до „континуиран пад на социјалната кохезија“ што се заканува да ја втурне земјата „во хаос“. Тие изјавија дека зборуваат во име на „Комитетот за транзиција и институционална обнова“.

Во саботата во Габон се одржаа претседателски и парламентарни избори. Пред телевизиското обраќање на претставниците на армијата, изборната комисија ја објави победата на актуелниот, долгогодишен шеф на државата, Али Бонго Ондимба.