Со денови трае спорот помеѓу Белата куќа и британскиот радиодифузен сервис Би-Би-Си. Првиот човек на Би-Би-Си, сега му се извинил на американскиот претседател Трамп – но исто така порачал: Нема основа за тужба.
Скандалот со порната монтажа на исечоци од говор на Трамо го потресе Британскиот јавен радиодифузен сервисФотографија: Jack Taylor/REUTERS
Реклама
Во спорот околу монтажата на документарна емисија, Би-Би-Си (BBC-British Broadcasting Corporation) му се извини на американскиот претседател Доналд Трамп. Медиумот со седиште од Лондон исто така соопшти дека нема основа за тужба за клевета од страна на претседателот на САД.
Претседателот на Би-Би-Си, Самир Шах, според медиумот, испратил лично писмо до Белата куќа, во кое бара прошка за монтажата на говорот што Трамп го одржал во јануари 2021 година.
Во заднината на спорот е документарецот „Трамп: Втора шанса?“ кој беше емитуван една недела пред претседателските избори во САД на 5 ноември 2024 година. Во обемниот прилог за емисијата „Панорама“ на Би-Би-Си, на едно место биле монтирани исечоци од говорот на Трамп од 6 јануари 2021 година.
Поради монтажата, може да се создаде впечаток дека Трамп директно ги повикал своите поддржувачи на упад во седиштето на американскиот Конгрес. Притоа биле изоставени деловите од говорот во кој Трамп ги повикува своите поддржувачи да маршираат мирно и патриотски
Како течеше упадот на поддржувачите на Трамп во Капитол
Доналд Трамп, сѐуште актуелен претседател, долго ги подбуцнуваше своите најверни симпатизери. Последица: некои од нив на 6.01.2021 упаднаа во срцето на американската демократија.
Фотографија: Leah Millis/REUTERS
Создавање набој
Бројот на фанатични поддржувачи на Трмап пред Конгресот во САД растеше преку цел ден. Во почетокот, полицијата успеваше да одржува ред.
Фотографија: Olivier Douliery/AFP/Getty Images
Први судири
Паралелно со заедничката седница на двата дома на Конгресот, Сенатот и Претставничкиот дом, на која требаше официјално да биде потврдена победата на Џо Бајден на претседателските избори, пред Капитол се собираа приврзеници на поразениот претседател Доналд Трамп. Дојде до први судири со полицајците кои требаше да го обезбедуваат Конгресот.
Фотографија: Stephanie Keith/REUTERS
Преслаб кордон
Сѐ поразјарената толпа сакаше да продре во Капитол. Полицајците се обидуваа да ги спречат. На некои агресивни поддржувачи на Трамп им успеа да влезат во зградата.
Фотографија: Win McNamee/Getty Images
Упад во Капитол
Дел од демонстрантрантите успеаја да продрат длабоко во зградата, дури до вратите на Сенатот.
Фотографија: Win McNamee/Getty Images
Одбрана на последниот бастион
Обезбедувањето се обидуваше да ги држи во „шах“ насилниците во влезната хала. Политичарите во Сенатот низ задна врата беа изведени на безбедно место.
Фотографија: Manuel Balce Ceneta/AP Photo/picture alliance
Еден се проби
Во меѓувреме, еден од приврзениците на Трамп успешно се проби покрај полицајците и упадна во Сенатот. Од трибината за посетители тој скокна во пленарната сала.
Фотографија: Win McNamee/Getty Images
Со пиштоли спремни за пукање
Истите слики се повторуваа во другите крила на Капитол. И Претставничкиот дом беше цел на натрапниците. Припадниците на обезбедувањето на Конгресот ги запираа - со вперени пиштоли.
Фотографија: J. Scott Applewhite/AP Photo/picture alliance
Непријателско преземање?
Симпатизерите на Трамп навлегуваа сѐ подлабоко во зградата, сѐ до ходниците со канцелариите на Конгресот. Таму некои се распослаа на работните маси на пратениците.
Фотографија: Saul Loeb/AFP/Getty Images
Надвор од контрола
Еден од натрапниците го „присвои“ и пултот за говор на претседателката на Претставничкиот дом, Ненси Пелоси и со него се шеташе низ Капитол. Никој не го запре.
Фотографија: Win McNamee/Getty Images
Во засолниште
Пленарните сали беа евакуирани. Некои побараа засолниште во галеријата на Претставничкиот дом. Репортерите сведочеа дека биле поделени гас-маски, како заштита од солзавец.
Фотографија: Andrew Harnik/AP Photo/picture alliance
Солзавец врз Конгресот
На силите на безбедноста не им остана ништо друго освен да ја растурат разулавената толпа, употребувајќи солзавец.
Фотографија: Andrew Caballero-Reynolds/AFP/Getty Images
Засилувањето го оконча хаосот во Капитол
Полициските сили добија засилување, Националната гарда поита во помош, а градоначалничката на Вашингтон воведе полициски час до раните утрински часови. Така во Вашингтон ноќта полека се врати мирот.
Фотографија: Spencer Platt/Getty Images
12 фотографии1 | 12
Не е планирано повторно емитување
Британскиот јавен радиодифузен сервис објави на својата веб-страница дека нема повторно да ја емитува емисијата. Сепак, нема намера да плати отштета. Генералниот директор на Би-Би-Си, Тим Дејви, и извршната директорка, Дебора Тeрнес, поднесоа оставки по критиките за обработката на говорот на Трамп. Претседателот на Би-Би-Си, Шах, призна „погрешна проценка“ на медиумот.
Адвокатот на Трамп испратил писмо до Би-Би-Си во кое барал извинување и се заканувал со тужба од една милијарда американски долари.
Американскиот претседател и во минатото неколкупати тужеше медиумски компании во САД. Критичарите тоа често го гледаат како напад врз слободата на печатот.
