За точната причина за падот на американскиот транспортен авион сè уште се врши истрага, но Централната команда тврди дека немало непријателски или пријателски оган.

Американски авион - воен танкер кој учествувал во операцијата против Иран се урна во западен Ирак, според Централната команда на  САД (Centcom). Друг авион бил вклучен во инцидентот, но безбедно слетал. Асошиејтед прес објави дека најмалку пет лица биле во паднатиот авион. Спасувачките операции се во тек. Падот не е предизвикан од непријателски или пријателски оган, соопштија американските сили во текот на ноќта.

Исламскиот отпор во Ирак,  милициска група поддржана од Иран, подоцна ја презеде одговорноста за соборувањето на танкерот, како што соопшти „во одбрана на суверенитетот и воздушниот простор на нашата земја“.

Танкерот е четвртиот јавно потврден авион соборен како дел од американските  воени операции против Иран. Минатата недела,  војската  потврди дека три американски борбени авиони биле случајно соборени од пријателски оган од Кувајт.