1. Прескокни до содржината
  2. Прескокни до главната навигација
  3. Кон други страници на DW
ЗдравјеГлобално

Десетици милиони луѓе страдаат од долготраен Ковид

Тагесшау
30 јануари 2023

Може да има над двесте симптоми, а тежината на болеста варира. Сите овие појави се нарекуваат „долг Ковид“. Една студија вели дека околу десет проценти од оние што прележале корона имаат подолготрајни тешкотии.

долготраен ковид
Десетици милиони луѓе страдаат од долготраен КовидФотографија: Imago/Photocase/Zettberlin

Најмалку десет проценти од лицата кои прележале корона имаат долготраен Ковид, се наведува во нова студија во списанието Nature . Тоа значи дека околу 65 милиони луѓе ширум светот страдаат или претрпеле долгорочни последици од инфекцијата со корона.

Терминот „долг Ковид“ се однесува на сите симптоми кои се појавуваат четири недели по инфекцијата со корона или сè уште се присутни. 

Некои од симптомите се исцрпеност, отежнато дишење, проблеми со концентрацијата или мускулна слабост. Според студијата, досега се идентификувани повеќе од 200 симптоми, често со различна тежина. Тие можат да влијаат на срцето, белите дробови, желудникот и цревата, па дури и на гениталиите. 

Корона вирусите, според една студија, можат да ја нападнат „критичната инфраструктура“ во нашето тело и да предизвикаат долгорочна штета. Дополнително, прелиминарните резултати од студијата покажуваат дека ризикот од долгорочна коронoвирусна инфекција е ист и по втората или третата инфекција со вирусот, кај лицата кои првиот пат поминале без долгорочни последици.

Неодамнешен протест пред Бундестагот: Луѓето погодени од долготраен Ковид симболично бараат подобра грижаФотографија: Abdulhamid Hosbas/AA/picture alliance

Можен синдром на хроничен замор 

Повеќето пациенти со пролонгиран Ковид се опоравуваат во рок од неколку недели или месеци. Сепак, Кармен Шајбенбоген, која го води Центарот за проучување на замор во берлинската болница Шарите, вели дека многу заболени се толку погодени што отсуствуваат од работа долго време или дури се врзани за кревет.

Долгорочниот Ковид, вели таа, се претвора во мијалгичен енцефаломиелитис познат како „синдром на хроничен замор“ кај некои. Оваа сложена болест, вели Шајбенбоген, може да биде предизвикана и од други вируси како што е обичниот грип.

Инфекцијата првично го нарушува клеточниот метаболизам. Притоа митохондриите, изворите на енергија на клетките, се оштетени. Телото потоа бара други начини за снабдување со енергија, но тие не се толку ефикасни.

Можни симптоми се значително намалена когнитивна способност, силна болка, нарушување на спиењето или екстремна слабост. Досега не беше можно да се третира причината за болеста. Лекарите, сепак, можат да ги ублажат симптомите. 

Ковид-19: Долгиот пат на опоравување

03:31

This browser does not support the video element.

Ефектот на вакцината е нејасен 

Студијата покажува дека ваквите симптоми може да се појават по инфекцијата, и покрај вакцината против Ковид. Со други зборови, оваа студија не откри значајна разлика во ризикот од долгорочен Ковид кај вакциниранитеи невакцинираните.

Некои поранешни студии велат дека вакцинацијата благо го намалува ризикот од долгорочен Ковид за меѓу 15 и 41 процент.

Миа Диков од иницијативата „Долг Ковид Германија“ се разболе од корона пред речиси три години и оттогаш не е целосно здрава. „Итно ни треба подобра грижа. Има и пациенти кои не можат да станат од кревет“, вели таа.

Клиничката слика на синдромот на хроничен замор е позната одамна, вели таа. Сепак, таа додава дека оваа болест никогаш не била адекватно проучена.

Прескокни го блокот Повеќе на оваа тема
Прескокни го блокот Тема на денот

Тема на денот

Прескокни го блокот Повеќе теми