Џо Бајден ќе присуствува на инаугурацијата на Трамп
СН/агенции
26 ноември 2024
Кога новиот претседател на САД полага заклетва, неговиот претходник е таму - тоа долго се подразбираше само по себе. Се додека Трамп одби да присуствува на церемонијата во 2021 по поразот на изборите.
Фотографија: Saul Loeb/AFP/Getty Images
Реклама
Американскиот претседател во заминување Џозеф Бајден ќе присуствува на церемонијата на инаугурација на неговиот претходник и наследник Доналд Трамп на 20 јануари во Вашингтон, соопшти во понеделникот Белата куќа, иако Трамп одби да оди на церемонијата за Бајден во 2021 година.
„Претседателот вети дека ќе присуствува на инаугурацијата на оној кој ќе победи на изборите. Тој и првата дама ќе го испочитуваат тоа ветување и ќе присуствуваат на инаугурацијата на Доналд Трамп“, изјави синоќа за новинарите Ендрју Бејтс, заменик портпарол на Белата куќа за време на патувањето со претседателскиот авион.
На 6 јануари 2021 година, Соединетите Американски Држави беа на работ на општ конфликт поради нападот врз Капитол од страна на поддржувачите на Трамп кои се обидоа да го спречат прогласувањето на победата на Бајден на изборите, поттикнати од неоснованите тврдења на Трамп за изборна измама.
Над 20.000 гардисти ќе ја обезбедуваат инаугурацијата на Бајден
02:08
This browser does not support the video element.
Четири години подоцна, Бајден го смета своето присуство на инаугурацијата „важна демонстрација на посветеноста за почитување на нашите демократски вредности и почитување на волјата на народот, додека продолжуваме да обезбедуваме уредна и ефективна транзиција“, додаде Ендрју Бејтс.
За време на изборната кампања, Бајден постојано го прикажуваше Трамп како опасност за демократијата, но тој вети дека транзицијата на власта ќе биде што е можно полесна по победата на републиканецот против американската потпретседателка Камала Харис, која беше кандидат за шефица на државата на изборите на 5 ноември.
Двајцата претседатели се сретнаа неколку дена подоцна во Белата куќа на покана на Бајден, кој му честиташе на Трамп за изборната победа.
Како течеше упадот на поддржувачите на Трамп во Капитол
Доналд Трамп, сѐуште актуелен претседател, долго ги подбуцнуваше своите најверни симпатизери. Последица: некои од нив на 6.01.2021 упаднаа во срцето на американската демократија.
Фотографија: Leah Millis/REUTERS
Создавање набој
Бројот на фанатични поддржувачи на Трмап пред Конгресот во САД растеше преку цел ден. Во почетокот, полицијата успеваше да одржува ред.
Фотографија: Olivier Douliery/AFP/Getty Images
Први судири
Паралелно со заедничката седница на двата дома на Конгресот, Сенатот и Претставничкиот дом, на која требаше официјално да биде потврдена победата на Џо Бајден на претседателските избори, пред Капитол се собираа приврзеници на поразениот претседател Доналд Трамп. Дојде до први судири со полицајците кои требаше да го обезбедуваат Конгресот.
Фотографија: Stephanie Keith/REUTERS
Преслаб кордон
Сѐ поразјарената толпа сакаше да продре во Капитол. Полицајците се обидуваа да ги спречат. На некои агресивни поддржувачи на Трамп им успеа да влезат во зградата.
Фотографија: Win McNamee/Getty Images
Упад во Капитол
Дел од демонстрантрантите успеаја да продрат длабоко во зградата, дури до вратите на Сенатот.
Фотографија: Win McNamee/Getty Images
Одбрана на последниот бастион
Обезбедувањето се обидуваше да ги држи во „шах“ насилниците во влезната хала. Политичарите во Сенатот низ задна врата беа изведени на безбедно место.
Фотографија: Manuel Balce Ceneta/AP Photo/picture alliance
Еден се проби
Во меѓувреме, еден од приврзениците на Трамп успешно се проби покрај полицајците и упадна во Сенатот. Од трибината за посетители тој скокна во пленарната сала.
Фотографија: Win McNamee/Getty Images
Со пиштоли спремни за пукање
Истите слики се повторуваа во другите крила на Капитол. И Претставничкиот дом беше цел на натрапниците. Припадниците на обезбедувањето на Конгресот ги запираа - со вперени пиштоли.
Фотографија: J. Scott Applewhite/AP Photo/picture alliance
Непријателско преземање?
Симпатизерите на Трамп навлегуваа сѐ подлабоко во зградата, сѐ до ходниците со канцелариите на Конгресот. Таму некои се распослаа на работните маси на пратениците.
Фотографија: Saul Loeb/AFP/Getty Images
Надвор од контрола
Еден од натрапниците го „присвои“ и пултот за говор на претседателката на Претставничкиот дом, Ненси Пелоси и со него се шеташе низ Капитол. Никој не го запре.
Фотографија: Win McNamee/Getty Images
Во засолниште
Пленарните сали беа евакуирани. Некои побараа засолниште во галеријата на Претставничкиот дом. Репортерите сведочеа дека биле поделени гас-маски, како заштита од солзавец.
Фотографија: Andrew Harnik/AP Photo/picture alliance
Солзавец врз Конгресот
На силите на безбедноста не им остана ништо друго освен да ја растурат разулавената толпа, употребувајќи солзавец.
Фотографија: Andrew Caballero-Reynolds/AFP/Getty Images
Засилувањето го оконча хаосот во Капитол
Полициските сили добија засилување, Националната гарда поита во помош, а градоначалничката на Вашингтон воведе полициски час до раните утрински часови. Така во Вашингтон ноќта полека се врати мирот.
