Безбедносните власти, според германската министерка за внатрешни работи Ненси Фезер, прават сѐ за да го фатат напаѓачот кој во Солинген со нож уби три лица и рани најмалку осуммина. Полицијата во покраината Северна Рајна-Вестфалија (НРВ) ја има сета поддршка од страна на сојузот, напиша Фезер на платформата Х. Таа, како што вели, е во постојан контакт со покраинскиот министер за внатрешни работи на НРВ, Херберт Ројл и безбедносните институции.

Фезер додава дека нападот којшто се случи вчеравечер на градскиот фестивал во Солинген е „потресен“: „Тагуваме за луѓето кои на ужасен начин се оттргнати од животот“, пишува министерката за внатрешни работи.

Напаѓачот од Солинген, според досегашните сознанија, целно ги напаѓал жртвите во вратот. Мотивите за нападот засега не се познати, а тој е во бегство.