Властите во Саудиска Арабија очекуваат на годинешниот аџилак да се соберат повеќе од два милиони муслимани од целиот свет. Тоа би бил најголем аџилак откако по пандемијата на коронавирус настанот мораше драстично да биде намален. Ланската година во Мека се собраа речиси еден милион аџии, во споредба со само 59.000 во 2021 година. Аџилакот е еден од петте столбови на исламот и се очекува секој муслиман да го изврши еднаш во животот, доколку има можност.

Верниците во светиот град вршат неколкудневни ритуали, следејќи го патот на последниот аџилак на пророкот Мухамед.