Во еден од најубавите градови во светот почна традиционалниот карневал, којшто ќе трае до 21 февруари.
Карневал во Венеција, ИталијаФотографија: Remo Casilli/REUTERS
Реклама
Мотото на карневалот во Венеција оваа година гласи: „Оддели време за оригиналните симболи“, а организаторите со него сакаат да потсетат на почетоците на карневалските прослави во Италија. Историјата на карневалскиот фестивал во Венеција достига до средниот век, а тој е еден од симболите на градот и секако магнет за туристите – доаѓаат стотици илјади посетители. Венецијанскиот карневал е познат по своите раскошни костуми и карневалски маски, тие ќе можат да се видат низ уличките на еден од најубавите градови во светот до 21 февруари.
Град на маските: започна карневалот во Венеција
Маски, балови и голтачи на оган- во Италија започна најпознатиот европски карневал
Фотографија: Getty Images/AFP/F. Monteforte
Венеција: Игри со маски (Civitas Ludens)
Веројатно најпознатата карневалска прослава покрај Рио де Жанеиро. 16-дневната веселба ќе трае до 13 февруари, еден ден пред Среда Пепелница. Годинешното мото гласи 'Creatum: Civitas Ludens;' што во слободен превод значи Креативност: игри со маски .
Фотографија: Getty Images/AFP/F. Monteforte
Вековна традиција
Мештаните велат дека карневалот во Венеција потекнува од 1162 година, кога се одржал за првпат во рамките на прославата на воена победа на Венецијанската Република. Карневалот беше забранет за време на владеењето на императорот на Светата римска империја Франц II во 1797, а повторно обновен дури во 1979 година.
Фотографија: Getty Images/AFP/F. Monteforte
Маскарада
Маските долго играат важна улога на Карневалот во Венеција. Постојат неколку карактеристички стилови на маски, а најпозната е клунестата 'Medico Della Peste' или маска на лекар кој лечи од чума. Секоја година се доделува награда за најубава маска од страна на меѓународно жири.
Фотографија: Getty Images/AFP/F. Monteforte
На бал
Раскошните вечери и балови кои го одразуваат средновековниот или подоцнежните стилови се основен елемент на Карневалот. Доколку можете да си ја дозволите влезницата, се разбира. Честопати, влезот на еден бал надминува повеќе стотици евра.
Фотографија: Getty Images/AFP/F. Monteforte
Општа забава
Денес, околу 3 милиони туристи желни за забава ја „окупираат“ Венеција во деновите на Карневалот. Забавата започнува со пиење и танцување на познатиот плоштад Св. Марко во центарот на градот.
Фотографија: Getty Images/AFP/F. Monteforte
Парада на светла
Огнометите и изведувачите на гондоли се уште еден интегрален дел од фестивалот. На оваа фотографија голтачите на оган ги одушевуваат гледачите на церемонијата на отворање на годинешното издание на Карневалот.
