Ова е еколошка катастрофа, велат заштитниците на животна средина.

Полскиот премиер Матеуш Моравјецки изјави дека масовниот помор на риби во реката Одра е најверојатно предизвикан од хемиски отпад. „Веројатно огромно количество хемиски отпад е фрлен во реката и тоа со полна свест за ризиците и последиците“, рече Моравјцеки во видео порака.

Полскиот премиер им даде отказ на шефот на Агенцијата за управување со води и на раководителот на Агенцијата за заштита на животната средина поради тоа што реагирале пребавно.

Сѐ уште не е јасно што точно ја предизвикало катастрофата. Лабораториските анализи се во тек.