Голот на Ламин Јамал на полуфиналниот натпревар од европското фудбалско првенство помеѓу Шпанија и Франција (2:1) е гол за историја на ЕП. Шеснаесетгодишниот Јамал стана најмлад стрелец во историјата на европските првенства. Својот 17-ти роденден ќе го прослави еден ден пред финалето во Берлин в недела. Вели дека има само една желба: „Ништо, само победа, победа, победа!“. Талентираниот шпански фудбалер по победата над Франција во Минхен изјави дека целта му била да го прослави роденденот во Германија и таа желба ќе му се оствари - шпанската репрезентација ја совлада Франција и влезе во финалето на ЕУРО 2024!

Јамал дебитираше за Барселона на 15-годишна возраст, а минатата година, на возраст од 16 години и 57 дена, заигра за шпанската репезентација. Неговиот договор во Барселона истекува во 2026 година, а „клаузулата за излез“ е поврзана со сума од една милијарда евра.