Вилата од соништата, изградена во американската сојузна држава Калифорнија по урнекот на куклената куќа Малибу на куклата Барби, е огласена на порталот Airbnb и може да се изнајми за две одделни ноќи за две лица, на 21 и на 22 јули. Интересот е огромен, а гостите ќе бидат избрани по пат на лотарија. Нивото на удобност во вилата, која е во приватна сопственост, не е многу високо – куќата очигледно нема ни кујна, ниту машина за перење, но сигурно има постелнина - во розова боја.