Во американската сојузна држава Калифорнија со денови паѓа огромен дожд. Досега животот го загубија најмалку 12 лица. Вчера од жителите на повеќе места беше побарано да ги напуштат домовите поради опасност од лизгање на земјиштето. Голем дожд се најавува и за наредните денови.

Вакво време не е невообичаено за калифорниската зима, но Калифорнија повеќе од две децении страда од суши, кои се поволни за избувнување пожари. Онаму каде што поради пожарите веќе нема вегетација, дождот речиси не може да пропадне во земја, што пак може да биде причина за лизгање на земјиштето.