Навивачите од Минхен, исто како и оние низ цела Германија, тагуваат по  Франц Бекенбауер,  фудбалскиот „Кајзер“. Легендата на германскиот и светски фудбал почина во 78-та година од животот.

Роден е во Минхен, а во ФК Бајерн дошол со 13 години како јуниорски играч, за брзо да стане еден од клучните играчи во клубот, а со 20 години заиграл за националниот тим.

Тој стана светски првак како играч и како тренер и заслужен беше за одржувањето на  Светското фудбалско првенство во 2006 година  во Германија.