Вработените во Зоолошката градина во Лондон ја презедоа улогата на велигденски зајак и на животните им организираа потрага по јајца. За тигарот да може да ги пронајде јајцата, му беше оставена трага со мирис на цимет.

Менаџерот на Зоолошката градина, Дан Симондс, изјави: „Додека нашите посетители се зафатени со потрага по јајца, со тоа што следат трага со знаци од животни кои полагаат јајца и се обидуваат да стигнат до златното јајце, чуварите на Зоолошката градина ја презедоа улогата на велигденски зајак за животните исто така да учествуваат во акцијата.“