Рускиот претседател Владимир Путин ја обвини украинската тајна служба СБУ за тешката експлозија на Керчкиот мост. „Нема сомневање дека е тоа терористички чин насочен кон уништување на критична цивилна инфраструктура“, изјави Путин вчеравечер (9.10).

Киев досега нема признато учество во нападот на мостот. Во саботата наутро (8.10) 19 километри долгиот мост беше тешко оштетен од експлозија. Мостот ја поврзува Русија и полуостровот Крим, кој беше анектиран од страна на Москва во 2014 година.