Предизборен молк во Србија
16 декември 2023![Предизборен плакат во Белград, Србија](https://static.dw.com/image/67741860_800.webp)
Реклама
Во Србија денеска (16.12) на сила е предизборен молк, кој ќе трае до утре, до 20 часот, кога ќе бидат затворени избирачките места.
Граѓаните на вонредните парламентарни избори ќе избираат 250 пратеници во Собранието на Србија, а покрај парламентарните ќе гласаат и на покраински избори во Војводина, како и на локални избори во 65 градови и општини, меѓу кои и Белград. Републичката изборна комисија претходно соопшти дека вкупниот број на гласачи во Србија за парламентарните избори на 17 декември е 6,5 милиони, а ќе се гласа на над 8 илјади избирачки места.
На збирната листа за парламентарните избори се наоѓаат 18 листи, со вкупно 2.818 кандидати за пратеници.