Неодамнешните дождови предизвикаа најсувата пустина во светот да цвета со бујна раскош: пустината Атакама во северниот дел на Чиле наликува на распослан тепих со виолетови цвеќиња - невообичаено рано во годинава.

Единаесет до дванаесет милиметри дожд што паднаа во април, во комбинација со ниски облаци, помогнаа „да се активираат овие растенија“, објасни Цезар Пизаро од чилеанската шумска управа за новинската агенција АФП.

Расцветаната пустина Атакама е добро познат временски феномен, но обично се јавува само од септември. Пустината Атакама не процветала вака рано уште од 2015 година. Сегашното цветање опфаќа приближно 300 до 400 квадратни километри. „Пустината што цвета“ се случува секоја година во септември, а обично зафаќа површина од околу 15.000 квадратни километри. Во зенитот, цветаат повеќе од 200 видови растенија. Во сегашниот феномен, сепак, речиси исклучиво е застапена „гуанако шепата“ - светло виолетовиот цвет кој речиси не бара вода.