Периодот од една полна месечина до друга е 29,5 дена. Со оглед на тоа што полна месечина веќе се појави на небото вечерта на 1-ви август, временското растојание овозможи и втора полна месечина - на 31 август. Втората полна месечина во еден месец се нарекува „Сина Месечина“.

Претходната Сина Месечина се случи пред речиси три години, во октомври 2020 година. Наредната ќе се појави дури на 31 мај 2026 година. Инаку, името на месечината нема никаква врска со нејзиниот изглед и таа треба да се гледа како конвенционална месечина. Сепак, оваа Сина Месечина во истовреме беше и т.н. Супер Месечина. Тоа е појава кога Месечината се наоѓа на најблиското растојание од Земјата во својата елипсовидна орбита - што ја прави да изгледа поголема и посветла на небото за време на просечна полна месечина.