Снежна бура со екстремен студ владее во централните делови на западот на САД, посебно во државите Ајова и Минесота. Практично сите поважни автопатишта се покриени делумно или целосно со снег. Замрзнатиот дожд предизвика бројни сообраќајни несреќи. Во Јужна Дакота се измерени минусни температури од 24 Целзиусови степени.

Засегнат е и авионскиот сообраќај – анулирани се повеќе од 1600 летови, над илјада доцнат.

Силна бура со обилни врнежи од дожд во североисточните делови од САД вчера остави привремено стотици илјади луѓе без снабдување со струја. Во сојузната држава Мејн ветерот достигнал брзина од преку 150 километри на час.