Две возила паднаа во река откако во понеделникот се урна мост северно од норвешкиот град Лилехамер, по што беше спроведена спасувачка операција и за среќа немало жртви. Автомобил и камион биле делумно потопени откако се урна дрвен мост на реката Гудбрандсдалслаген долг 150 метри. Според полицијата двајцата возачи се во добра состојба. 

Возачот на камионот бил спасен со хеликоптер, а возачот на автомобилот успеал смиот да се извлече од возилото. Мостот во општината Ојер, северно од Лилехамер, е релативно нов, соопшти портпаролот на локалната полиција и посочи дека се уште не е утврдено зошто се урнал.